Ana Sayfa > Karusel / İdman / Maraqlı / M2 / Xəbəraz TV > Ronaldo Xameslə belə zarafat etdi (VİDEO)

Ronaldo Xameslə belə zarafat etdi (VİDEO)


4-01-2016, 12:05. Yazar: Xeberaz
Ronaldo Xameslə belə zarafat etdi (VİDEO)
Hadisə anı operatorlar tərəfindən lentə alınıb.
Madridin "Real" klubu "Valensiya" ilə qarşılayıb. Xeberaz.az-in məlumatına görə, oyunda qalib müəyyənləşməyib - 2-2

Oyundan öncə baş tutmuş məşq prosesində maraqlı hadisələr baş verib. Məşqə gələrkən maşının sürətini saatda 200 km ə çatdıran Xames Rodriqes polis tərəfindən klubun bazasının yaxınlığında saxlanılıb.

Xames sürət həddini aşmasını polisi cinayətkarlarla səhv salması ilə əsaslandırıb. Əlbətdə İspaniyada bu 1 nömrəli xəbərə çevrilib. Bu arada Ronaldo da məqamı boşa verməyib və Xameslə zarafatlaşıb.

Bir il əvvəl yanvar ayının ilk günləri "Santyaqo Bernabeu"da "Valensiya"ya məğlub olan "Real" "Mestalya"da bunun əvəzini çıxa bilmədi. Baxmayaraq ki, blankos bu dəfə qələbəyə çox yaxın idi. Həmişə olduğu kimi bu dəfə də Kral klubu özünə inam hissi baxımından büdrədi.

Oyuna gəlincə, qarşılığlı hücumlarla başlayan matçda ilk olaraq "Real"ın çoxgedişli kombinasiyası qolla nəticələnib. Domenek 16-cı dəqiqədə Beyl-Ronaldo-Benzema gedişindən sonra topu qapısından çıxarmalı olub, 1-0.

Amma bununla belə komandalar fasiləyə bərabər durumda yollanıblar. Valensiya Pepenin kobud oyununa görə ilk hissənin birinci artırma dəqiqəsində Realı penaltidən cəzalandırıb. Parexo Navası qapının bir, topu isə digər küncünə yönəldib, 1-1. Real 68-ci dəqiqədən meydanda azlıqda qalsa da, yenə hesabda önə keçməyi bacarıb.

82-ci dəqiqədə Toni Kroosun cərimə zərbəsindən sonra Qaret Beylin başını tapan top qapının uzaq küncündən keçib, 2-1. Amma reallı fanların qol sevinci heç bir dəqiqə belə çəkmədi. 83-cü dəqiqədə Rodriqo-Alkaser gedişindən sonra sonuncu başla topu Navasın qoruduğu qapıdan keçirərəy komandasını məğlubiyyətdən qurtardı.

Bu hələ azmış kimi Neqredo Reala bir il əvvəlki məğlubiyyət acısını yaşada bilərdi, əgər Navas səddini maneəsiz keçə bilsəydi. Valensiya 2, Real Madrid 2.


Geri dön