Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Yezidi kürdü Nadiya Murad: Məni huşumu itirənə qədər zorladılar – VİDEO
Tarix: 21-12-2015 | Saat: 12:20
Bölmə:Karusel / Gündəm / Hadisə / M2 / Xəbəraz TV | çapa göndər

Yezidi kürdü Nadiya Murad: Məni huşumu itirənə qədər zorladılar – VİDEO
“Sizdən İŞİD-i tamamən məhv etməyi xahiş edirəm”.

Üç ay İŞİD-in seksual qul qismində əsiri olan və xilas olması möcüzə hesab edilən 21 yaşlı yezidi kürdü Nadiya Murad Basi Taha BMT-nin Təhlükəsizlik Şurasında çıxış edib.

Xeberaz.az stuki-druki.com-a istinadən xəbər verir ki, o, yaraqlılar tərəfindən əsir götürülmüş qadınların faciəli taleyindən danışaraq dünyanı “İslam dövləti”ni (İŞİD) məhv etməyə çağırıb.

Nadiya İŞİD yaraqlılarının onunla eyni dini məzhəbə qulluq edən qızları və qadınları necə oğurladıqları, zorladıqları və satdıqları haqqında danışıb.

Nadiyanı digər yezidilər ilə Mosula avtobus ilə aparıblar, yolda bütün qızları zorlayıblar.

Mosulda əsirləri minlərlə yezidi-qadının olduğu binaya gətiriblər. Onların arasında uşaqlar da olub.

“Zorlama qadınları və qızları mənən məhv etmək üçün istifadə edilir, bu, qadınların yenidən normal həyat sürə bilməyəcəklərinin zəmanətidir”, - o deyib.

Nadiyanı yaraqlılardan biri satın alıb və özü ilə aparıb.

“O, məni geyinməyə və bəzənməyə məcbur etdi. Sonra dəhşətli bir gecə oldu. O, məni öz hərbi bölüyündə xidmət etməyə məcbur edərək, hər gün alçaldırdı”, - o deyib.

21 yaşlı qızın sözlərinə görə, o, işgəncələrə məruz qalırdı, onu nalayiq geyimdə gəzməyə məcbur edirdilər. O, qaçmağa cəhd edib, amma onu tutublar.

“Həmin gecə o məni döydü. Paltarımı soyunmağı əmr etdi və məni mühafizəçilərin otağına göndərdi. Mən huşumu itirənə qədər onlar öz cinayətlərini davam etdirdilər. Sizdən İŞİD-i tamamən məhv etməyi xahiş edirəm”, - Nadiya deyib.

Nadiya üç ay çəkən əsirlikdən qaçmağa müvəffəq olub. Hal-hazırda o, Almaniyada yaşayır. İraqda onun bir neçə qardaşı olub, amma radikallar onları öldürüb. 2014-cü ilin yayında İŞİD yaraqlıları beş min yezidi kişi və qadını əsir alıblar.

Onlardan iki mini qaçmağa müvəffəq olub, qalanları isə hələ də əsirlikdə əziyyət çəkirlər.

Birləşmiş Millətlər Təşkilatı bəyan edib ki, “İslam dövləti” tərəfindən yezidilərin məhv edilməsi soyqırımın bütün əlamətlərini daşıyır.

Təşkilat Təhlükəsizlik Şurasını bu məsələyə Beynəlxalq cinayət məhkəməsində baxılması üçün təqdim etməyə çağırıb.


Xəbəri paylaş

8168 dəfə oxunub.

Digər xəbərlər
bütün xəbərlər
____ Instagram ___