Kəlbəcər girovlarının məsələsi

Kəlbəcər girovlarının məsələsi - BMT-də
Tarix: 13-11-2015 | Saat: 13:49
Bölmə:Karusel / Gündəm / M2 / Foto-fakt | çapa göndər

Şirift ölçüsü:

Noyabrın 11-12-də Cenevrə şəhərində BMT-nin İşgəncələrə qarşı Komitəsinin 56-cı sessiyası çərçivəsində İşgəncə və digər qəddar, qeyri-insani və ya ləyaqəti alçaldan rəftar və ya cəza əleyhinə Konvensiya üzrə Azərbaycan Respublikasının dördüncü dövri məruzəsinə baxılıb.

Xeberaz.az xəbər verir ki, Xarici İşlər Nazirliyinin mətbuat xidmətindən Azvision.az-a verilən məlumata görə, sessiyada Azərbaycanı xarici işlər nazirinin müavini Xələf Xələfovun rəhbərlik etdiyi nümayəndə heyəti təmsil edib.

X. Xələfov Azərbaycanın dördüncü dövri hesabatını təqdim edib. O, çıxışı zamanı ölkəmizin BMT-nin müqavilə orqanları ilə əməkdaşlığa önəm verdiyini bildirib, Azərbaycanda insan hüquqlarının müdafiəsi üzrə Milli Fəaliyyət Planı, insan alveri ilə mübarizə üzrə Fəaliyyət Planı və “Azərbaycan 2020 Gələcəyə Baxış” İnkişaf Konsepsiyasının qəbul edilməsi və həyata keçirilməsi ilə bağlı məlumatları diqqətə çatdırıb.

O, həmçinin məhkəmə və penitensiar sistemin təkmilləşdirilməsi, korrupsiyaya qarşı mübarizə və şəffaflığın artırılması, dövlət idarəçiliyi islahatı, “ASAN” xidmətin yaradılması və fəaliyyəti, məişət zorakılığı, insan alverinin qarşısını alınması və vətəndaş cəmiyyətinin təşviqi sahələrində həyata keçirilən tədbirlər barədə məlumat verib.

Ermənistanın Azərbaycana qarşı hərbi təcavüzünün davam etdiyini vurğulayan X.Xələfov, ərazilərimizin 20 %-nin hələ də Ermənistanın işğalı altında olmasını və işğalın nəticələrini insan hüquqlarının qorunması sahəsində Azərbaycanın üzərinə götürdüyü öhdəliklərin yerinə yetirilməsində maneələr kimi qiymətləndirib.

Münaqişədə 4 mindən çox soydaşımızın itkin düşdüyünü bildirən X. Xələfov onların Ermənistan tərəfindən qeyri-qanuni saxlandığını və müxtəlif işgəncələrə məruz qaldıqlarını qeyd edib. 2014-cü ilin iyul ayından Ermənistan tərəfindən girov götürülən azərbaycanlı Dilqəm Əsgərov və Şahbaz Quliyevə qarşı edilən işgəncə, qeyri-insani davranışları nəzərə çatdırıb.

Sessiya çərçivəsində Komitə üzvləri öz növbələrində nümayəndə heyətimizin yüksək səviyyədə təmsil olunması, ölkəmizin beynəlxalq təşkilatlarla sıx əməkdaşlığı, Konvensiyanın müddəalarının qanunvericilikdə təsbit edilməsi və hesabatımızda Konvensiyanın həyata keçirilməsi sahəsində görülmüş tədbirlərin ətraflı şəkildə əks etdirilməsini təqdir ediblər.

Sessiya zamanı ölkəmizdə insan hüquqları təmin olunması ilə bağlı Komitə üzvləri tərəfindən nümayəndə heyətinə ünvanlanmış suallar aidiyyəti üzrə və dolğun şəkildə cavablandırılıb, tədbir interaktiv dialoq formasında keçirilib.

Xəbəri paylaş

5528 dəfə oxunub.

Digər xəbərlər

28-07-2023, 12:57 Cinsi həvəsi artıran, keşişlərə qadağan edilən, sonsuzluğa qarşı xeyirli - QULANÇAR

30-04-2016, 18:42 Almaniya Qarabağla daha çox məşğul olacaq

31-05-2016, 17:10 Deputatlarımız istirahətə getdi

25-09-2021, 10:47 Azərbaycanda koronavirus nə vaxt bitəcək? - RƏSMİ

25-09-2018, 10:43 Bakıda məktəbdə faciə: 10 ildən sonra doğulan 2-ci sinif şagirdi dünyasını dəyişdi

7-07-2017, 12:31 Hərbi xidmətdən qayıdarkən ağır qəzaya düşən Nicatın FOTOLARI

12-03-2017, 14:07 Sevgilisinin öpüşmə səhnəsindən danışdı - “Qürur duydum onunla...”

4-06-2023, 20:06 Nəyə görə arvad kişinin sağ tərəfində yatmalıdır – İzah

16-09-2019, 09:12 "O sözünün üstündə dura biləcək, ya yox?!" - Zakir Həsənovdan ANONS (VİDEO)