İpoteka alanlara Xoş xəbər

İpoteka alanlara Xoş xəbər
Tarix: 31-03-2015 | Saat: 15:25
Bölmə:Karusel / Gündəm / M2 | çapa göndər

Xəbər verildiyi kimi, Mərkəzi Bank ipoteka proqramının təkmilləşdirilməsi istiqamətində yeni layihə hazırlayır.

Bura ipotekaya ayrılan vəsaitlərin artırılması, “Sosial evlər”in tikintisi, proqramın regionlarda tətbiqinin genişləndirilməsi daxildir.

İqtisadçı - ekspert Vüqar Bayramov ipotekaya ediləcək dəyişikliklərə regionlarda faizlərin aşağı salınmasının da daxil olduğunu dedi: “Paytaxtla regionlardakı əmək haqqı məbləğləri arasında fərq var. Buna görə də ipoteka kreditləri üzrə faizlərin aşağı salınması vacibdir. Adi ipoteka kreditləri üzrə faizlər 8 faizdən 6 faizə endirilməlidir. Bu həm İpoteka Fondunun itkilərə məruz qalmamasına, həm də bankların risklə üzləşməməsinə imkan verəcək. Sosial ipoteka kreditləri üzrə faizlərə gəlincə, 4 faizdən 3 faizə endirilməlidir. Bu da sosial ipoteka kreditlərindən gəlir əldə edilməsinə imkan verəcək”.

İqtisadçı deyir ki, regionlar ipoteka kreditlərindən az faydalanırlar: “Limit müəyyən edildikdən sonra ipoteka portfelinin 50 faizi regionların payına düşəcək. Amma limitlə bərabər, yuxarıda qeyd etdiyim güzəştlər də vacibdir. Əks halda, aylıq ödəniş imkanları məhdud olacaq”.

Limitin özündə nələri nəzərdə tutmasına gəlincə, iqtisadçı bunları dedi: “Məsələn, ay ərzində 5 milyon manat ipoteka krediti ayrılacaqsa, bunun yarısı - 2,5 milyon manatı məhz regionlar üçün nəzərdə tutulacaq. Bu da regionların ipoteka kreditlərindən istifadə imkanlarının genişlənməsinə səbəb olacaq”.

V.Bayramov onu da qeyd etdi ki, ipoteka proqramına edilən dəyişikliklər eyni zamanda maksimum məbləğin artırılmasını və gənc ailələr üçün ilkin ödənişin ləğv edilməsini, regionlar üçün ipoteka kreditlərinin müəyyənləşdirilməsini özündə əks etdirəcək: “Əvvəla, həm sosial, həm adi ipoteka üçün maksimum məbləğin artırılması nəzərdə tutulub. Nəzərə alaq ki, hər iki kredit növü üzrə hazırda maksimum məbləğ 50 min manatdır. Təbii ki, bu məbləğ əmlak bazarındakı mövcud qiymətlərə uyğun deyil. Buna görə də maksimum məbləğin artırılması nəzərdə tutulub. Güman olunur ki, ipoteka kreditlərində maksimum məbləğ 50 mindən 75 min manatadək artırılacaq. Bu, ipoteka kreditlərinin səmərəliliyini mənzil bazarındakı qiymət səviyyəsinə uyğun olaraq müəyyən qədər yüksəltməyə imkan verəcək.

Eyni zamanda, ipoteka kreditlərinin verilməsi zamanı ilkin ödənişin gənc ailələr üçün ləğv edilməsi də təkliflər siyahısındadır. Mərkəzi Bank bunun üçün iki praktikadan istifadə etmək niyyətindədir. Bunlardan birincisi, əmanət tipli bankların formalaşdırılması və bununla bağlı ipoteka fondunun yaradılmasından, ikincisi, ipoteka fondu yanında ipoteka zəmanət fondunun formalaşdırılmasından ibarətdir. Bu isə imkan verəcək ki, zəmanət fondu vətəndaşlara 100 faizlik kredit verə bilsin. Praktiki olaraq vətəndaş artıq 80 faiz deyil, 100 faizlik ipoteka krediti əldə edə biləcək

Xəbəri paylaş

7398 dəfə oxunub.

Digər xəbərlər

13-04-2017, 16:38 10 gündə 10 milyon - VİDEO

3-03-2016, 14:51 “The Washington Times”dan Qarabağda müharibə xəbərdarlığı...

20-06-2017, 17:45 Bakıda I sinfə şagird qəbulunun II mərhələsi başladı

12-02-2023, 15:36 Türkiyədə 150 saat sonra dağıntılar altından 3 yaşlı qız sağ çıxarılıb

11-12-2015, 14:40 Əlil qadını fahişəliyə məcbur edən azərbaycanlı tutuldu

9-11-2015, 12:49 Sevdiyi qadına görə özünü dənizə atdı - BULVARDA

21-12-2019, 11:53 ARB-nin aparıcısı ilə intim videosu yayılan qız danışdı - VİDEO

7-12-2015, 00:39 Operativ qərargah: Axtarışlar nəticə verməyib

20-12-2021, 08:16 "Omikron" təhlükəsi Azərbaycanın bir addımlığında - XƏBƏRDARLIQ EDİLDİ