Azərbaycanda ilk: bətindəki körpə əməliyyat edildi

Azərbaycanda ilk: bətindəki körpə əməliyyat edildi
Tarix: 16-10-2015 | Saat: 16:06
Bölmə:Karusel / Səhiyyə / M2 | çapa göndər

Şirift ölçüsü:

Azərbaycan Tibb Universitetinin (ATU) Tədris Cərrahiyyə Klinikasında dölün döş qəfəsinə maye yığıldığı üçün ana bətnində ikən əməliyyat olunan uşaq sağlam şəkildə doğulub.

ATU-dan azvision.az - a verilən məlumata görə, həkimlərin vaxtında müdaxiləsi sayəsində körpənin vəziyyəti hazırda yaxşıdır.Klinikanın ginekologiya şöbəsinin müdiri Turab Canbaxışovun sözlərinə görə, hələ körpə ana bətnində ikən həkimlər bu patologiyadan xəbərdar olublar:

"Ana 7 aylıq hamilə ikən gəlmişdi. Həmin vaxt müayinələr göstərdi ki, ana bətnində uşağın döş qəfəsinin içinə, ağciyər və ürəyinin ətrafında maye yığılır. Bu da ürəyin fəaliyyətinə əngəl olmuş, ürək çatışmazlığına gətirib çıxarmışdı. Bildiyimiz kimi, ürək qanı təzyiqlə bütün damarlara paylaşdırmaqla işləyir. Lakin yığılan maye həmin orqanı sıxdığına görə, qan dövranı pozulmuş, ürək ətrafı ilə yanaşı, qarına da maye yığılmışdı və mayenin miqdarı getdikcə daha da artırdı. Bu, həm də dəri ödemi (şişkinliyinin) artmasına səbəb olurdu. Xəstə məhz belə vəziyyətdə bizə üz tutmuşdu".

Həkim qeyd edib ki, ana 5 aylıq hamilə ikən uşağın döş qəfəsinə maye yığılmağa başlayıb. Xəstə Türkiyəyə üz tutub, orada döş qəfəsinin hər iki tərəfinə stend taxdırıb ki, yığılan maye uşaqlıq boşluğundan çölə çıxsın:

`Lakin müəyyən müddət sonra stendlərin yolu tutulub. Biz diaqnozu qoyduqdan sonra təcili bir müdaxilə planlaşdırdıq. Yəni, ana bətnində uşağın döş qəfəsinə daxil olub, həm sağdan, həm də soldan bu mayeni çəkmək lazım idi ki, ürək rahatlansın, fəaliyyəti bərpa olunsun və ağciyərlər açılaraq inkişafı davam etdirsin. Biz düz 3 dəfə bu proseduru həyata keçirdik. Bunlar hamiləliyin 35-ci, 36-cı və 37-ci həftəsində gerçəkləşdirildi. Prosedur zamanı bir sıra çətinliklərlə də üzləşirdik. Məsələn, bəzən uşaq dönürdü, onda məcburən ananı gəzdirib uşaq əvvəlki vəziyyətə qayıdandan sonra proseduraya davam edirdik`.

Qeyd olunub ki, ATU həkim briqadasının müdaxiləsi nəticəsində körpə heç bir ürək və ağciyər qüsuru olmadan dünyaya göz açıb. Uşaq doğulduqda yalnız ürəyin fəaliyyəti ilə bağlı müəyyən problemlər olub ki, indi həmin problemlər də nizama salınıb. Hazırda bu körpə ATU həkimlərinin nəzarəti altındadır və hər ay müayinə olunur.

Xəbəri paylaş

6648 dəfə oxunub.

Digər xəbərlər

22-04-2016, 16:58 İlqar Məmmədov azadlığa buraxılmadı, məhkəmə təxirə salındı (FOTO)

10-05-2016, 11:52 “Abbasla Ramalı harada görsəm, barışdıracam“

3-03-2023, 10:18 Sərvər Bəşirlinin evi də Türkiyədən gəldi - O iş adamı Bakıda! - FOTO

29-04-2017, 13:05 Bu da Şəhriyarın bacısının toy görüntüləri -VİDEO

8-01-2017, 13:52 Azərbaycanda offşor şirkətlərə qadağa qoyuldu - Siyahı

14-08-2018, 19:41 Quran və Tövratda adı çəkilən möcüzəli meyvə

21-05-2016, 15:28 Baqramyan planı: Cavaxetiya Tiflisdən qoparılır

8-07-2015, 22:19 İdmançımız bayrağımızı təhqir edəni nakauta saldı – VİDEO

10-05-2015, 13:04 Aygün Kazımova Səhnəyə belə gəldi.