Yeməkdən sonra saqqız yox, nanə çeynəyin. Mütəxəssislər qeyd edirlər ki, bu çox faydalı vərdişdir. İtaliya və bir çox digər ölkələrdə bu çox yayılmış ənənədir.

Yeməkdən sonra nanəni çeynəmək nə ilə faydalıdır?

Nanə güclü iltihab əleyhinə təsirə amlikdir, ağızda ziyanlı mikrobları öldürür, antiseptik təsir edir. Həmçinin nanə nəfəsi təravətləndirir, pis ağız qoxusundan azad edir.

Nanə damaqların iltihabını azaldır, dişlərin üzərində əmələ gələn ərpi təmizləyir.

Nanə mikrob əleyhinə təsirə malikdir – bağırsaq çöpü, göbələk, qızılı stafilokokkların çoxalmasının qarşısını alır.  

Mədə ağrısı və spazmları zamanı da nanə yaxşı kömək edir, ağrıları və diskomfortu azaldır, köp və meteorizmi aradan qaldırır, həzmi yaxşılaşdırır.

Nanə güclü təbii antidepressantdır, insanın psixikasına müsbət təsir edir, əhvalı yaxşılaşdırır, stressi azaldır.

Həmçinin nanə iş qabiliyyətini də artırır və arterial təzyiqi tənzimləməyə yardım edir.