İranda öldürülən və həbs edlən etirazçıların sayı açıqlanıb.

Bu barədə İranın Hüquq Müdafiəçiləri Qrupunun xəbər agentliyi noyabrın 17-i səhər saatlarına olan məlumatı paylaşıb.

İran İnsan Haqları Təşkilatı noyabrın 17-ə yaydığı məlumatda 17 sentyabrdan 16 noyabr axşam saatlarına kimi İranda davam edən etiraz nümayişlərində 56-ı uşaq olmaqla 362 nəfərin hökumət məmurları tərəfindən öldürüldüyünü bildirib.

Bununla yanaşı məlumatda 16033 nəfərin saxlanıldığı, onlardan 2074-nün kimliyi və harada saxlanıldığının dəqiqləşdirildiyi və bunlardan 462 nəfərinin öyrənci olduğu qeyd edilib.

Həmçinin bu müddət ərzində 144 şəhərdə etirazçılar İranın idarəetmə sisteminə qarşı nümayişlər həyata keçirib və 140 universitetin öyrənciləri bu nümayişləri dəstəkləyiblər.