Bunu açıqlamasında millət vəkili Müşfiq Cəfərov deyib.

“Hazırda “TikTok”da elə videolara rast gəlmək olur ki, gələcəyimiz olan uşaqların əxlaqı pozulur. Canlı yayımlardakı söyüşlər, əxlaq dəyərlərimizə zidd hərəkətlər pozğunluğu təbliğ edir. Bu da böyüməkdə olan uşaqlarımız üçün ciddi təhlükədir. Biz uşaqları həmin çevrələrdən qorumağa çalışırıq, ancaq görünən odur ki, biz hər gün onları itirmiş oluruq. Düzdür, bu gün çox böyük kütlə “TikTok”dadır. Hesab edirəm ki, yaxın gələcəkdə bununla bağlı hansısa qərarlar verməliyik. Əgər “TikTok” bağlanarsa, elə də ciddi problemin yaranacağına inanmıram”.

“Bu gün Azərbaycan gəncliyinin məşğulluğunu təmin etmək üçün onları müxtəlif layihələrə, aktiv və perspektivli işlərə cəlb etmək lazımdır. Bunun üçün gənclər təşkilatları və qeyri-hökumət təşkilatlarının birgə fəaliyyəti vacibdir. “TikTok”la məşğul olum, pul qazanım” yanaşması səhvdir. “TikTok”da öz yaradıcılığını göstərmək istəyən gənclər də az deyil. Onlar üçün müəyyən faydalı platforma yaratmaq olar ki, daha səmərəli, faydalı işlərlə məşğul olsunlar. Ümumilikdə dövlətin və müxtəlif təşkilatların gənclər üçün həyata keçirdiyi mühüm işlərə aktiv gənclər cəlb olunmalıdır. Gəncliyimizi “TikTok”un öhdəsinə buraxa bilmərik”.