Aparıcı-aktyor Sərxan Kərəmoğlu müğənni Manaf Ağayevlə bağlı paylaşım edib. 
Aparıcı bildirib ki, Manaf ondan inciyib: 
"Gözünüz aydın, Manaf məndən də küsüb. Manaf, sənin üçün Vasif deyiləm. Gələrəm Bakıya, üzünə "kislota" töküb səni yanıdıraram. 
Sənin haqda pis bir şey yazmamışam. Buradan sənə bəyan edirəm ki, yazdıqlarımı savadlı adama göstər və o sənə düşmən yaxud da dost olduğumu desin. Sən qardaşımsan və məndən üz döndərməyinə razı ola bilmərəm. Elə yaşımdır ki, əziz bildiklərimi itirə bilmərəm. Vaxtı ilə çox itirdim, artıq yetər".
Qeyd edək ki,  Manaf Ağayev "Səhər mərkəzi" verilişində həbsxana həyatından sonra bir çox dostlarını sildiyini açıqlamışdı. Sənətçinin həbs olunduğu günlərdə isə Sərxan Kərəmoğlu müğənniyə yazılan tənqidi şərhlərə sosial şəbəkədə belə münasibət bildirmişdi:
"Qanun qarşısında hər kəsin boynu qıldan incədir. Heç kim "genələ" və insanların hissi ilə oynaya bilməz. Təbii ki, o torpaqlarda şəhid olan qardaşlarımızın ailələri də baxıb qıcıq ola bilər, minalardan təmizlənməyən yerlərdə partlayış da ola bilər. Mən qanunla tam razı...
Ancaq bəzi səhifələrdə yazılan fikirlərə münasibətim çox pisdir. Manaf özü, ya övladları özbaşına deyildi ki, vətən müharibəsi vaxtı əlinə silah alıb ön cəbhəyə getsin. Bu dövlət qanunlarla idarə olunur və ordumuz düzgün döyüş sayəsində qalib olub. Manafın atılan dırnağı olmayanların əlinə fürsət düşüb, yazın ağzınıza gələni... Manafın ailəsinə isə bu günlərdə dözüm arzu edirəm".