Yoluxma sayı artır: Məktəblər bağlanacaq? - Təhsil Nazirliyindən AÇIQLAMA

Yoluxma sayı artır: Məktəblər bağlanacaq? - Təhsil Nazirliyindən AÇIQLAMA
Tarix: 04-10-2021 | Saat: 14:05
Bölmə:Karusel / Gündəm / Təhsil | çapa göndər

Şirift ölçüsü:

Ölkədə COVID-19 statistikasının son iki gününü müqayisə etsək, görərik ki, yoluxanların sayında artım var. Belə ki, rəqəmlər 684-dən 712-yə qədər yüksəlib. Bu da ilk növbədə övladları ali və orta məktəblərdə təhsil alan valideynlərdə narahatlıq yaradıb.
Azərbaycanda təhsil sahəsində hər gün 2 milyon insan aktiv hərəkət edir. Sadəcə ibtidai siniflərdə 600 min şagird təhsil alır, üstəlik onlarla birlikdə məktəbə valideynlər də gəlir. Bu, rəqəmin iki dəfə artması deməkdir. Buna görə də bu say yoluxmaya ciddi şəkildə təsir göstərə bilər.
Bəs görəsən bu artım ali və orta təhsil müəssisələrinin fəaliyyətini də məhdudlaşdıra bilərmi?
Məsələ ilə bağlı açıqlama verən təhsil eksperti Kamran Əsədov hazırda məktəblərin bağlanmasının müzakirə mövzusu belə olmadığını deyib:
“Təbii ki, sağlamlıq vacibdir. Amma yoluxma sayının artması məktəblərin bağlanmasına gətirib çıxara bilməz. Biz ötən il ilə müqayisəni aparsaq, yoluxma sayı bu həddə çatanda narahat olurduq və tədrisin dayanması haqqında qərarlar verilirdi. İndi isə ölkədə insanların böyük əksəriyyəti vaksin olunub. Eyni zamanda təhsil sahəsində çalışanların da 95%-i peyvənd olunub. Onlar arasında immunitet sertifikatı olanlar da var. Bütün bu rəqəmlərin hər biri təlim-tədris prosesinin dayandırılması ehtimalını sıfıra endirir. Təhsil müəssisələrinin açıq olması yoluxma sayını nəzarətdə saxlamağa imkan verir, çünki hər gün onlar yoxlanılır. Xəstəliyin əlamətləri olan şəxslər təcrid olunur”.
Təhsil eksperti Kamran Əsədov təhsil sahəsində yoluxanların statistikasının hazırda açıqlanmaması məsələsinə də aydınlıq gətirib:
“Hər il bu statistika Təhsil Nazirliyinə Operativ Qərargah yaxud da rayonlar üzrə epidemioloji idarə tərəfindən təqdim edilirdi. Hazırda təqdimat olmadığına görə Təhsil Nazirliyi də statistikanı açıqlamır”.
Mövzu ilə bağlı Təhsil Nazirliyinin İctimaiyyətlə əlaqələr sektorunun müdiri Cəsarət Valehovla da əlaqə saxladıq. O, yoluxma sayında artımın 3 ya da 4 gün davam edəcəyi təqdirdə ali və orta təhsil müəssisələrində təlim-tədris prosesinin dayandırılması haqqında müzakirələr aparılacağını bildirib:
“Koronavirusa yoluxma sayında artım olan zaman təhlil aparılır və tədrisin davam edib-etməyəcəyi ilə bağlı qərar qəbul edilir. Bir günlük statistikaya əsasən təhlil aparılmır”.

Xəbəri paylaş

3318 dəfə oxunub.

Digər xəbərlər

24-04-2016, 22:43 ABŞ Rusiyaya qarşı sanksiyalardan danışdı

16-04-2018, 16:51 Başqırdıstan Vəkillər Kollegiyasının sədri İctimai Nəzarət Koalisiyasının qonağı olub

22-05-2018, 12:32 Qardaş qardaşı bıçaqladı-Göyçayda

20-02-2017, 13:20 Dağlıq Qarabağda referendum keçirilməsi qəbuledilməzdir - İRAN XİN

7-04-2022, 11:27 Vətən müharibəsi qazisi leykozdan əziyyət çəkir - FOTO

17-09-2016, 18:07 Suriyalı hamilə qadın təyyarədə doğdu

21-06-2016, 08:25 Xəstəxanada işıq söndü: iki körpə öldü

6-05-2017, 13:42 Rus gözəldən Buraka "ürək" - Fahriye əsəbiləşdi

4-08-2015, 18:07 "Atletik"in Bakıya gələcək heyəti müəyyənləşdi