Bakıda sahibsiz heyvanlara qarşı baytarlıq tədbirləri təşkil olunur?

Bakıda sahibsiz heyvanlara qarşı baytarlıq tədbirləri təşkil olunur?
Tarix: 15-08-2015 | Saat: 16:46
Bölmə:Karusel / Gündəm / Foto-fakt | çapa göndər

Şirift ölçüsü:

Sahibsiz heyvanların yaşayış yerlərindən uzaqlaşdırılması kimin səlahiyyətindədir?
DBNX ancaq baytarlıq tədbirləri həyata keçirir.

Sahibsiz itlərin yaşayış yerlərindən uzaqlaşdırılması, sığınacaqlara aparılması şəhər, yaxud da rayon icra hakimiyyətlərinin tabeliyindəki qurumlar tərəfindən həyata keçirilir.

Xeberaz.az xəbər verir ki, bunu APA-ya Kənd Təsərrüfatı Nazirliyi yanında Dövlət Baytarlıq Nəzarəti Xidmətinin (DBNX) mətbuat xidmətinin rəhbəri Yolçu Xanvəli deyib.

O, bildirib ki, ölkədə, o cümlədən Bakıda sahibsiz heyvanlar saxlanılan sığınacaqlarda baytarlıq xidməti tərəfindən ancaq baytarlıq tədbirləri həyata keçirilir:

“Heyvanın axtalanması, şübhəli hal olduqda müəyyən müddət izolyasiyada saxlanması, bir sözlə heyvanın sağlam, ya qeyri-sağlam olması ancaq baytar həkimin qərarı ilə müəyyən olunmalıdır. İcra hakimiyyəti deyir ki, biz bu işlə məşğul deyilik. Bəs kim məşğuldur? Sahibsiz heyvanların tutulub müəyyən məkanda saxlanması birbaşa Bakı şəhər İcra Hakimiyyətinin Kommunal Təsərrüfat Departamentinin Sanitariya və Texniki Təmizlik İdarəsinin səlahiyyətindədir. Son günlər bizim “Qaynar xətt”ə çoxlu zənglər ki, filan yerdə sahibsiz itlər var, gəlin, götürün. Məgər baytar həkimin vəzifə borcu gedib küçədə it tutmaqdır?”

Y. Xanvəli əlavə edib ki, respublikada, habelə Bakıda sahibsiz heyvanlara qarşı baytarlıq tədbirləri təşkil olunur:

“Dövlət Baytarlıq Nəzarəti Xidməti tərəfindən vəhşi təbiətdə quduzluq xəstəliyi ilə mübarizə məqsədi ilə əlli min doza miqdarında oral vaksin alınıb. “Çevik qruplar” yaradılıb və pilot layihə kimi peyvəndləmə Balakən, Zaqatala, Qax, Şəki, Oğuz, Qəbələ və İsmayıllı rayonlarının meşə və meşəətrafı ərazilərində, Abşeron yarımadası və Bakı ətrafı ərazilərdə təşkil olunub. Quduzluq əleyhinə vaksin yerləşdirilən aldadıcı yemlər meşə və meşəətrafı ərazilərdə vəhşi heyvanların vaxtaşırı gedib gəldiyi yerlərə hər 50 metrdən bir, eləcə də sahibsiz itlərin çox olduğu ərazilərə atılaraq nəzarəti tədbir həyata keçirilib. 15 gündən sonra əraziyə baxış keçirilən zaman məlum olub ki, həmin yemlər vəhşi heyvanlar və sahibsiz itlər tərəfindən mənimsənilib”.

Xəbəri paylaş

6778 dəfə oxunub.

Digər xəbərlər

6-09-2016, 23:58 Tükdə olan hikmətlər...Hədislərə əsasən

17-03-2017, 12:15 Ayselin Tailand sərgüzəşti – fotolar

6-02-2016, 22:28 “Olimpiya stadionundakı ilk toyu aparacaq müğənni bəlli oldu

15-11-2015, 00:44 İŞİD Fransada niyə terror törətdiyini - Açıqladı

14-06-2022, 12:03 Çingizxanı güclü və enerjili edən UNİKAL ÇAY RESEPTİ

31-05-2017, 14:23 Putin Türkiyə ilə bağlı daha bir qadağanı ləğv etdi

4-05-2018, 21:58 Ünvanlı sosial yardımın verilməsi ilə bağlı VACİB YENİLİK

16-10-2015, 13:30 Nazirlik dərmanların qiymət fərqlinə aydınlıq gətirib

9-06-2016, 18:37 ABŞ-dan etiraf: “Rusiya 60 saata Riqanı tuta bilər”