Mayın 15-də Dövlət Sərhəd Xidmətinin Sərhəd Qoşunlarının “Göytəpə’” sərhəd dəstəsinin xidməti ərazisində Yardımlı rayonunun Gendərə kəndi yaxınlığındakı sərhəd zastavasının xidməti sahəsində 3 nəfər naməlum şəxs Azərbaycan Respublikasının mühafizə olunan dövlət sərhədini nəzarət-buraxılış məntəqələrindən kənarda qanunsuz olaraq keçərkən DSX-nın əməkdaşlarının qanuni tələblərinə tabe olmayaraq onlara odlu silahdan atəş açıb və nəticədə xidməti vəzifələrini icra edən baş leytenant Samir Eyvazov və kiçik gizir Fərid Alimov həlak olub.
Xeberaz.az Baş Prokurorluğa istinadən xəbər verir ki, keçirilmiş əməliyyat tədbirləri nəticəsində sərhəd pozucularından biri saxlanılıb, saxlanılan şəxsin İran İslan Respublikasının vətəndaşı Bərgi Həsənəli Novruz oğlu olması müəyyən edilib.
Faktla bağlı Hərbi Prokurorluq tərəfindən Cinayət Məcəlləsinin 120.2.1 (qəsdən adam öldürmə), 206.3.2 (qabaqcadan əlbir olan bir qrup şəxs tərəfindən narkotik vasitə və psixotrop maddələrin qaçaqmalçılığı), 234.4.1 və 234.4.3 (satış məqsədi ilə qanunsuz olaraq külli miqdarda narkotik vasitə və psixotrop maddələri əldə etmə, saxlama, daşıma və satma), 318.1-ci (Azərbaycan Respublikasının dövlət sərhədini qanunsuz olaraq keçmə) və digər maddələri ilə cinayət işi başlanılıb.
Hadisə yerinə baxış zamanı sərhəd pozucularının qanunsuz yolla ölkə ərazisinə gətirdikləri narkotik vasitə hesab olunan 3840 qram “marixuana” və 95 qram “metamfetamin”, güclü təsir edən maddə olan 17715 ədəd “preqabalin” həbi, eləcə də odlu silaha aid gilizlər və digər maddi subutlar aşkar olunaraq götürülüb.
İstintaq zamanı Bərgi Həsənəli Novruz oğlu şübhəli şəxs qismində tutularaq istintaqa cəlb olunub.
Cinayət işi Baş prokurorluğunun rəhbərliyi tərəfindən nəzarətə götürülüb.
Hazırda qeyd olunan cinayət əməllərinin digər iştirakçılarının şəxsiyyətlərinin müəyyənləşdirilərək istintaqa cəlb edilməsi istiqamətində intensiv istintaq və əməliyyat-axtarış tədbirləri həyata keçirilir.
Nəticəsi barədə ictimiayyətə ətraflı məlumat veriləcək.
İranla sərhəddəki atışmayla bağlı YENİ XƏBƏR - HƏBS EDİLƏN VAR
Tarix: 16-05-2021 | Saat: 14:01
Bölmə:Karusel / Gündəm / Hadisə | çapa göndər
Xəbəri paylaş
4508 dəfə oxunub.
Digər xəbərlər
Tarix: 16-05-2021 | Saat: 14:01
Bölmə:Karusel / Gündəm / Hadisə | çapa göndər
Xəbəri paylaş
Digər xəbərlər
3-06-2019, 14:48
Deputatlar bu il harada dincələcəklər?
2-10-2016, 14:28
“Yasin” surəsini oxuyan, Quranı 10 dəfə xətm edən kimidir?
27-12-2017, 11:46
Allahşükür Paşazadənin qızı klinika açıb
24-04-2017, 15:48
Saxta pul əskinaslarının satışı ilə məşğul olanlar tutulub
10-05-2020, 14:12
Keçmiş futbolçunun həyat yoldaşı özünü öldürmək istəyib
17-07-2017, 12:55
Əsəbləriniz yerindədirmi? - TEST
12-10-2016, 02:20
İDMANÇILARIMIZ ŞƏHİDLƏR XİYABANINI ZİYARƏT ETDİLƏR-FOTO
23-06-2023, 11:06
Banan qabığı ilə yeyilməlidir. Mütəxəssislərdən tövsiyə
7-01-2016, 15:12
Bülent Ersoy donuz qripinə yoluxdu