Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Burun qanaması zamanı nə etməli? - MƏSLƏHƏT
Tarix: 28-07-2015 | Saat: 14:06
Bölmə:Karusel / Səhiyyə / M2 | çapa göndər

Burun qanaması zamanı nə etməli? - MƏSLƏHƏT
Əsasən isti və quru havalarda sıx yaşanan burun qanaması, bəzən həyatı təhdid edən ciddi nəticələrə yol aça bilər. Orta hesablamalara görə, hər 2 insandan birinin burnu qanayır. Çox zaman səbəbsiz başlayan və müdaxilə edilmədən qısa müddətdə öz-özünə dayanan burun qanamaları təkrarlanan şəkildə yaşanır. Ən sıx 2-10 yaş arası uşaqlarda, 50-80 arası yetkin insanlarda görülür. Burun qanamaları burnun ön və arxa qismindən qaynaqlanan qanamalar olmaqla iki qrupa ayrılır.

Burnun girişində yaranan damar şəbəkəsi qanamaların ən sıx görülən səbəblərini yaradır. Ön qismdə baş verən bu qanama damarlarda dayanmadan axan qanamadır. Burnun arxa qismində olan qanamalar isə çox nadir hallarda görülür. Ancaq arteriya qaynaqlı olduğu üçün daha təhlükəlidir.

Sinusit və yüksək təzyiq xəstələri də risk altındadır

Burun qanaması əsasən daxili və ətraf səbəblərə bağlı olaraq ortaya çıxır. İsti və quru hava burun qanamasının əsas səbəblərindəndir. Yetkinlərdə travma, buruna düşən yad cisimlər qanamaya səbəb olur. Uşaqlarda yuxarı tənəffüs yolu infeksiyaları qanamalara səbəb olur.
Bundan başqa allergik rinit, xroniki sinusit, yüksək təzyiq, qanama pozğunluğu olan xəstələrdə qanama riski bir az daha çoxdur.

Qanama zamanı bunları edin:

Burnu qanayan adamın başını önə əydikdən sonra burnun ön qisminə baş, ya işarət barmağı ilə təxminən 5-10 dəqiqə təzyiq edin (basın). Bundan sonra burundan qan axıdan damarın dartılması üçün buzu bir parçaya sarıyaraq burnun uc qisminə qoyun.

Qanama kəsilənə qədər daha dərin və yavaş nəfəs almaq lazımdır. Qanamanı əngəlləyən spreylərdən istifadə edə bilərsiz.

Tez-tez burnunuz qanayırsa, bayıra çıxmadan əvvəl nəmləndirici spreylər istifadə edin.

Günəşə çıxarkən papaq taxın.

İsti havalarda başınızı tez-tez isladın.

Burnunuzu möhkəm çəkməyin və möhkəm asqırmayın.

Burnun içini barmaqla az təmizləyin.

Asqırarkən ağzınızı açıq saxlayın.

İsti və ədviyyatlı yeməklərdən uzaq durun.

Çox isti duş qəbul etməyin.

Aspirin və oxşar ağrıkəsicilərdən az istifadə edin.

Bütün bunlara rəğmən qanama davam edərsə, tampon edin.



5718 dəfə oxunub.

Digər xəbərlər
bütün xəbərlər
____ Instagram ___