İlaxır çərşənbə - arzuların gerçəkləşdiyi bayram
Tarix: 19-03-2019 | Saat: 14:24
Bölmə:Karusel / Gündəm / Maraqlı / M2 | çapa göndər
Bayram süfrəsi
Azərbaycan sonuncu çərşənbəni qeyd edir
Nişanlı qızlar bu günü səbirsizliklə gözləyir. Su şərşənbəsində suların donu açıldı, od çərşənbəsində tonqalların qalanması ilə yerə istilk, hərarət gəldi. Bu hərarətdən ruhumuz təzələndi. Yel çərşənbəsi bahar ovqatımıza yeni bir ab-hava gətirdi. İlaxır çərşənbələrin sonuncusu -torpaq çərşənbəsi isə Novruzun müjdəçisi olduğu üçün bizə daha əzizdir.
Teoloji düzümdə sonuncu olan torpaq çərşənbəsinin gəlişi Lənkəranda bayram kimi qarşılanır. Ertədən evin xanımları xalça-palazları həyətə çıxarır, yazqabağı havaya verir ki, evdəki ab-hava təzələnsin, ocağa təzə nəfəs gəlsin. Yorğan-döşəkləri, cer-cehizləri havaya çıxartmaq da sınanmış inaclardan sayılır və bu günə kimi yaşayır. Torpağı cana gətirmək üçün ağacların dibini yumşaltmaq, gövdələrini əhəngləmək adəti də uzun illərdən bəri qorunub. Ən gözəl adətlərdən biri də nişanlı qızların evinə bayram şirniyyatlarının, çərəzlərinin, meyvələrinin və geyimlərinin yığıldığı qırmızı örtüklü xonçaların gətirilməsidir. Bayram xonçasında balıq mütləq qoyulur. Özü də balığın ağzında qızıl sikkə, bər-bəzək olmaq şərti ilə...
Lənkəranlıların çərşənbə süfrəsini sin hərfi ilə başlayan 7 nemətsiz, ələlxüsus, balıqsız təsəvvür etmək mümkün deyil. Bu 7 nemət – səbzi kükü, səbzi-tərə, simuzər-balıq, səməni, sirkə-sarımsaq, su, sikkə, sumaq varlı kasıblığından asılı olmayaraq hamının çərşənbə süfrəsində olur. İlaxır çərşənbə axşamı hər həyətdə 7 ocaq qalanır. Ailə üzvləri ocağın üstündən 7 dəfə atlanır, "ağırlığım-uğurluğum odlarda yansın" deyir.
Məhz bu mərasimdən sonra ailə süfrənin başına yığışır, evin xanımı üzərlik yandıraraq süfrənin, ailə üzvlərinin başına dolandırır. Sonra adam başına şamlar yandırılır. Dualar edildikdən sonra çərşənbə süfrəsinə əl uzadılır.
Yaşı 80-ni haqlamış Sona Fərziyevanın ilaxır çərçənbə adətləri ilə bağlı dediklərisə olduqca maraqlıdır:"Hansı adam niyyət eləsə - istər subay qızlar, istər başqa niyyət edənlər nəlbəkidə bir yumurta, bir qırmızı qələm, bir də köz qoyurlar təndirə. Əgər niyyəti qəbul olunsa, bu gecə qırmızı qələm yumurtaya dəyər.
İlaxır çərşənbə axşamı evdə dava-dalaş,qeybət etmək günah sayılır. Əksər bölgələrdən fərqli olaraq Lənkəranda qulaq falına məhz ilin son çərşənbəsində çıxılır. Qədim inanclara görə qapıda ilk eşitdiyin söz sonrakı bir il ərzindəki yaşamını müəyyən edir.Bu axşam toran düşəndən sonra evdən nə pul, nə də çörək və ya çörək məmulatları, duz vermək də olmaz.Deyilənə görə, bu evin bərəkətinin qaçmasına səbəb olar.
El arasında belə bir deyim də var ki, çərşənbə qarğışı daşı dələr, alqışı daşı göyərdər. Elə isə qoy hər birimizin arzusu açılan qönçələrlə, göyərən zəmilərlə, yaşıllaşan təbiətlə birgə göyərsin, niyyətləriniz çin, arzularınız hasil, süfrələriniz ruzili olsun.
Xəbəri paylaş
5548 dəfə oxunub.
Digər xəbərlər
Tarix: 19-03-2019 | Saat: 14:24
Bölmə:Karusel / Gündəm / Maraqlı / M2 | çapa göndər
Bayram süfrəsi
Azərbaycan sonuncu çərşənbəni qeyd edir
Nişanlı qızlar bu günü səbirsizliklə gözləyir. Su şərşənbəsində suların donu açıldı, od çərşənbəsində tonqalların qalanması ilə yerə istilk, hərarət gəldi. Bu hərarətdən ruhumuz təzələndi. Yel çərşənbəsi bahar ovqatımıza yeni bir ab-hava gətirdi. İlaxır çərşənbələrin sonuncusu -torpaq çərşənbəsi isə Novruzun müjdəçisi olduğu üçün bizə daha əzizdir.
Teoloji düzümdə sonuncu olan torpaq çərşənbəsinin gəlişi Lənkəranda bayram kimi qarşılanır. Ertədən evin xanımları xalça-palazları həyətə çıxarır, yazqabağı havaya verir ki, evdəki ab-hava təzələnsin, ocağa təzə nəfəs gəlsin. Yorğan-döşəkləri, cer-cehizləri havaya çıxartmaq da sınanmış inaclardan sayılır və bu günə kimi yaşayır. Torpağı cana gətirmək üçün ağacların dibini yumşaltmaq, gövdələrini əhəngləmək adəti də uzun illərdən bəri qorunub. Ən gözəl adətlərdən biri də nişanlı qızların evinə bayram şirniyyatlarının, çərəzlərinin, meyvələrinin və geyimlərinin yığıldığı qırmızı örtüklü xonçaların gətirilməsidir. Bayram xonçasında balıq mütləq qoyulur. Özü də balığın ağzında qızıl sikkə, bər-bəzək olmaq şərti ilə...
Lənkəranlıların çərşənbə süfrəsini sin hərfi ilə başlayan 7 nemətsiz, ələlxüsus, balıqsız təsəvvür etmək mümkün deyil. Bu 7 nemət – səbzi kükü, səbzi-tərə, simuzər-balıq, səməni, sirkə-sarımsaq, su, sikkə, sumaq varlı kasıblığından asılı olmayaraq hamının çərşənbə süfrəsində olur. İlaxır çərşənbə axşamı hər həyətdə 7 ocaq qalanır. Ailə üzvləri ocağın üstündən 7 dəfə atlanır, "ağırlığım-uğurluğum odlarda yansın" deyir.
Məhz bu mərasimdən sonra ailə süfrənin başına yığışır, evin xanımı üzərlik yandıraraq süfrənin, ailə üzvlərinin başına dolandırır. Sonra adam başına şamlar yandırılır. Dualar edildikdən sonra çərşənbə süfrəsinə əl uzadılır.
Yaşı 80-ni haqlamış Sona Fərziyevanın ilaxır çərçənbə adətləri ilə bağlı dediklərisə olduqca maraqlıdır:"Hansı adam niyyət eləsə - istər subay qızlar, istər başqa niyyət edənlər nəlbəkidə bir yumurta, bir qırmızı qələm, bir də köz qoyurlar təndirə. Əgər niyyəti qəbul olunsa, bu gecə qırmızı qələm yumurtaya dəyər.
İlaxır çərşənbə axşamı evdə dava-dalaş,qeybət etmək günah sayılır. Əksər bölgələrdən fərqli olaraq Lənkəranda qulaq falına məhz ilin son çərşənbəsində çıxılır. Qədim inanclara görə qapıda ilk eşitdiyin söz sonrakı bir il ərzindəki yaşamını müəyyən edir.Bu axşam toran düşəndən sonra evdən nə pul, nə də çörək və ya çörək məmulatları, duz vermək də olmaz.Deyilənə görə, bu evin bərəkətinin qaçmasına səbəb olar.
El arasında belə bir deyim də var ki, çərşənbə qarğışı daşı dələr, alqışı daşı göyərdər. Elə isə qoy hər birimizin arzusu açılan qönçələrlə, göyərən zəmilərlə, yaşıllaşan təbiətlə birgə göyərsin, niyyətləriniz çin, arzularınız hasil, süfrələriniz ruzili olsun.
Xəbəri paylaş
Digər xəbərlər
12-12-2016, 18:45
“670 min manatı həbsdə özünü asan MTN polkovnikinə vermişəm” - ŞOK İDDİA
26-02-2019, 17:19
Xocalı qurbanları 1 dəqiqəlik sükutla yad edildi
27-06-2016, 11:52
Ayaqları amputasiya olunan 87 yaşlı qadın palataya köçürülür
20-05-2016, 18:16
İrəvanda Türkiyəyə embarqo yenidən gündəmdə
21-07-2017, 22:57
Rəsmi nikah, ya dini kəbin – İLAHİYYATÇI ŞƏRHİ
14-12-2018, 18:22
Azərbaycanda yeni qurum yaradıldı - Prezident fərmanı
13-12-2015, 15:47
Zorla avtomobilə mindirilən 17 yaşlı qızın faciəsi
16-04-2016, 23:45
Tabutu mənə görə 4 dəfə geri qaytardılar – Mir Şahin
10-01-2016, 22:19
Yatmazdan əvvəl bunları mütləq edin - TÖVSİYƏ
13-07-2017, 11:18
Qandonduran ADƏTLƏR: qadınlar dodaqların genişləndirir ki... - FOTOLAR