Bu gündən I sinfə şagird qəbulu başlanır

Bu gündən I sinfə şagird qəbulu başlanır
Tarix: 13-03-2019 | Saat: 11:36
Bölmə:Karusel / Gündəm / Təhsil | çapa göndər

Şirift ölçüsü:

Bu gündən - martın 13-dən 2019-2020-ci tədris ili üçün elektron sistem vasitəsilə dövlət ümumi təhsil müəssisələrinin I sinfinə şagird qəbuluna start veriləcək.

Xəbəraz.Az xəbər verir ki, təhsil nazirinin imzaladığı əmrə əsasən, 2019-2020-ci dərs ilində Bakı ilə yanaşı, Gəncə, Sumqayıt, Mingəçevir, Şirvan, Naftalan şəhərləri, Abşeron, Samux, Yevlax rayonları üzrə ümumi təhsil məktəblərində I sinfə şagird qəbulu elektron sistem vasitəsilə həyata keçiriləcək. Həmin rayonlarda yerləşən məcburi köçkün məktəblərinin I siniflərinə qəbul da elektron sistem vasitəsilə aparılacaq.
Ümumi təhsil məktəblərinin I siniflərinə qəbul prosesi www.mektebeqebul.edu.az saytı vasitəsilə aparılır.
Məktəbəhazırlıq qruplarındakı uşaqların I sinfə qeydiyyatına ehtiyac yoxdur. 2018-2019-cu tədris ilində məktəbəhazırlıq qruplarında təhsil alan uşaqlar üçün I sinfə şagird qəbulu sistemində avtomatik elektron sorğu yaradılıb.
Qeydiyyat valideynin (qanuni nümayəndənin) özü tərəfindən onlayn və ya müəyyən olunmuş məktəblərdə yaradılacaq Alternativ qeydiyyat mərkəzlərində aparılır. Bakı üzrə valideynlərə kömək məqsədilə 50 Alternativ qeydiyyat mərkəzi yaradılıb. Ümumilikdə elektron sistem tətbiq edilən şəhər və rayonlar üzrə 82 Alternativ Qeydiyyat Mərkəzi fəaliyyət göstərir.
2019-2020-ci tədris ilindən etibarən xüsusi qayğıya ehtiyacı olan uşaqlar üçün qəbul da elektron formada həyata keçirilir.
Qeyd edək ki, “Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında” Azərbaycan Prezidentinin 23 may 2011-ci il tarixli Fərmanının tələblərinin həyata keçirilməsini təmin etmək məqsədilə I sinfə şagird qəbulu elektron sistem vasitəsilə həyata keçirilir. Bu, təhsil sahəsində əhaliyə göstərilən elektron xidmətlərin dairəsinin genişləndirilməsi, şəffaflığın təmin edilməsi, şagird kontingentinin uçot sisteminin təkmilləşdirilməsi, valideynlərin əlavə vaxt itkisinin qarşısının alınması və cəmiyyətdə informasiya texnologiyalarından istifadə göstəricilərinin artırılması məqsədlərinə xidmət edir

Xəbəri paylaş

5778 dəfə oxunub.

Digər xəbərlər

4-02-2016, 10:58 Cəbhədə döyüş gedir: Düşmən itki verdi

13-06-2015, 13:46 Azərbaycanda internat evləri ləğv oluna bilər

25-11-2016, 23:03 Suriyada daha 5 türk əsgəri yaralandı

7-02-2022, 10:39 Milli Qəhrəman Mübariz İbrahimovun ad günüdür

1-04-2016, 17:18 Bakıda 780 min manata telefon nömrəsi satılır

11-02-2016, 18:11 39 yaşlı qadını 22 yaşlı sevgilisi öldürüb – RƏSMİ

8-12-2016, 21:33 Qışda xəstələnmək istəmirsinizsə, bu qidaları yeyin - SİYAHI

7-06-2017, 00:18 Ramazanın 12-ci günü: dua, imsak və iftar vaxtı

6-05-2016, 16:44 “Həmsədrlər Qarabağa görə beyin fırtınası aparır”