Dini Qurumlarla İş üzrə Dövlət Komitəsi Bakıda valideynlərinin hansısa dini təriqətin təsiri altında olduğu deyilən şagirdin özünü məktəb binasının 3-cü mərtəbəsindən atmaq cəhdi ilə bağlı araşdırma aparacaq.
Xeberaz.Az trend-ə istinadən xəbər verir ki, Dövlət Komitəsindən bildirilib ki, bu barədə komitədə hələ rəsmi məlumat yoxdur:
"Amma Dövlət Komitəsi tərəfindən bu məsələ araşdırılacaq".
Qeyd edək ki, Bakıda 302 nömrəli məktəbin 3-cü sinif şagirdi oktyabrın 10-u saat 08:48 radələrində, tənəffüs zamanı məktəbin 3-cü mərtəbəsinə qaçaraq özünü pəncərədən atmaq istəyib. Məktəbdən verilən məlumata görə, şagirdin valideynləri dini təriqətin təsiri altındadırlar.
