22 yaşlı gənc 12 yaşlı sevgilisi ilə birlikdə 21 yaşlı oğlanı öldürüb şaqqalayıblar, sonra da bir neçə tikəsini bişiriblər.

"Xəbəraz.az " bildirir ki, 21 yaşlı Aleksandr Popoviçin cəsədi Novinka qəsəbəsindəki evlərdən birində aşkarlanıb. Şaqqalanmış cəsədin bir neçə hissəsi sobada bişirilmişdi.

Mərhumun ürəyi, bağırsaqları və döş qəfəsinin bir hissəsi tikələr halında tavada, qızardılmış vəziyyətdə idi.

Leninqrad vilayətinin İstintaq Komitəsi 22 yaşlı Arkadi Zverevin və 12 yaşlı A. adlı qızın tutulduğunu bəyan edib.

12 yaşlı qız Soçi şəhərində evdən qaçıb və axtarışda olub.

A.Zverevlə onun 12 yaşlı "sevgilisi" A.Popoviçin evində qonaq olublar. Oktyabrın 2-dən 3-nə keçən gecə ev sahibi ilə qonaqlar arasında dava düşüb.

A.Zverev ev sahibi A.Popoviçə bir neçə dəfə bıçaqla zərbə endirərək onu qətlə yetirib, sonra balta ilə şaqqalayıb.

Qatil əməlini etiraf edib.

12 yaşlı A. da A.Popoviçin cəsədinin şaqqalanmasında iştirak edib. "Onun beynini və sinəsinin ətini bişirib yedik. O, yatmışdı. Bıçaqla mən də ona vurdum. Amma əti bəyənmədim. Dadsız idi", - A. deyib.

22 yaşlı Arkadi və onun 12 yaşlı "sevgilisi"nin A.Popoviçlə ötən ayın sonlarında Sankt-Peterburqdakı kafelərdən birində tanış olduqları aşkarlanıb.

• Facebook
• Twitter
• Whatsapp
• Telegram