Məhkəmə Xalid Bağırovu Vəkillər Kollegiyasından çıxarıb

Məhkəmə Xalid Bağırovu Vəkillər Kollegiyasından çıxarıb
Tarix: 11-07-2015 | Saat: 13:05
Bölmə:Karusel / Gündəm / M2 | çapa göndər

Şirift ölçüsü:

İyulun 10-da Bakının Nizami rayon Məhkəməsi vəkil Xalid Bağırovun Vəkillər Kollegiyasından çıxarılması ilə bağlı qərar qəbul edib. Məhkəmədə iddianı Vəkillər Kollegiyası qaldırıb

Xalid Bağırov məhkəmənin qərarını ədalətsiz adlandırıb.

2014-cü il dekabrın 10-da Azərbaycan Vəkillər Kollegiyası Xalid Bağırovun vəkilliyinə xitam verilməsi ilə bağlı məhkəməyə müraciət edib və məhkəməyədək Bağırovun vəkillik fəaliyyətinin dayandırılması barədə qərar qəbul edib.

Xalid Bağırov Amerikanın Səsinə bildirib ki, Vəkillər Kollegiyasının qəraraına səbəb REAL Hərəkatının lideri İlqar Məmmədovun şikayəti üzrə Şəki Apellyasiya Məhkəməsində çıxışı səbəb olub.

“Mən məhkəmədə çıxışımda demişəm ki, Azərbaycanda ədalət olsa idi belə qərəzli hökm olmazdı və Rəşid Hüseynov hakim işləməzdi. Vəkillər Kollegiyası mənim bu sözlərimə istinad edərək qərar çıxarıb”, o qedy edib.

Vəkillər Kollegiyasının qərarı həm də Xalid Bağırovun araşdırmaçı jurnalist Xədicə İsmayılın hüquqlarını müdafiə edəcəyi barədə bəyanatı ilə eyni vaxta təsadüf edir.

İlqar Məmmədov və Xədicə İsmayıl Amnesty İnternational tərəfindən “vicdan məhbusu” elan edilib.

REAL Hərəkatının lideri İlqar Məmmədov 2013-cü il prezident seçkiləri ilində İsmayıllıda baş vermiş etirazlarla bağlı 7 il azadlıqdan məhrum edilib.

Xədicə İsmayıl 2014-cü il dekabrın 5-də Cinayət Məcəlləsinin 125-ci maddəsi (özünü öldürmə həddinə çatdırma) itiham olunaraq həbs edilib. 2015-c ilin fevralında jurnalistə qarşı Cinayət Məcəlləsinin 179.3.2 (mənimsəmə və israf etmə- külli miqdarda törədildikdə), 192.2.2 (qanunsuz sahibkarlıq), 213.1(vergi ödəməkdən yayınma) və 308.2-ci (vəzifə səlahiyyətlərindən sui istifadə) maddələri ilə yeni ittihamlar elan edilib.

Bundan öncə isə jurnalistə qarşı Cinayət Məcəlləsinin 284.2 (dövlət sirrini yayma) maddəsi ilə ittiham irəli sürülmüşdü.

İlqar Məmmədov və Xədicə İsmayıl həbslərini siyasi sifariş hesab edir.

Xalid Bağırov ölkədə tanınmış vəkillərdəndıir. O çoxsaylı siyasi məhbusların vəkilidir. Siyasi və vicdan məhbusu kimi tanınan İlqar Məmmədov, Leyla Yunus, Hilal Məmmədov, Əbdül Əbilov, NİDA-ıçılar və digər çoxsaylı insanların hüquqlarını müdafiə edir.

Bağırovun vəkillik fəaliyyəti 2011-ci ildə də bir il müddətinə dayandırılıb. Bu polis tərəfindən öldürüldüyü iddia olunan Elvin Əsgərovun işini müdafiə etdikdən sonra baş vermişdi ("Amerikanın səsi").

Xəbəri paylaş

7348 dəfə oxunub.

Digər xəbərlər

2-09-2018, 12:10 Sən demə, bütün xəstəliklərin 3 səbəbi varmış – Mat qalacağınız analiz

17-02-2018, 12:08 Bal, sirkə, su qarışığı. İnanılmaz faydaları!

1-01-2017, 01:51 Astarada ilin ilk uşağı dünyaya gəldi

7-03-2016, 21:24 Gürcü qubernator Azərbaycandan üzr istədi

4-11-2015, 14:03 Qəzaya uğramış Rusiya təyyarəsinin içərisindən görüntülər yayıldı - VİDEO

22-11-2016, 18:30 Bakıda məktəbli qızın DƏHŞƏTLİ ÖLÜMÜ

1-07-2015, 12:36 Mehman Allahverdiyev “Kəpəz“in adından ianə yığır

8-04-2023, 11:53 Yaxşı olar ki, bu şəxslər heç vaxt sevgili olmasın - Ən uyğunsuz BÜRCLƏR

9-03-2019, 13:28 Teleaparıcı Elçin Əlibəyli jurnalistikadan getdi