ASAN-da məcburi köçkünlər üçün YENİ XİDMƏT

ASAN-da məcburi köçkünlər üçün YENİ XİDMƏT
Tarix: 16-03-2018 | Saat: 11:13
Bölmə:Karusel / Gündəm | çapa göndər

“Azərişıq” ASC-nin “ASAN” xidmət və “ASAN” kommunal vasitəsi ilə abonentlərə göstərdiyi xidmətlərin sırasına daha biri əlavə olub.
“Azərişıq”ASC-dən verilən məlumata görə, bu gündən etibarən ölkədəki bütün “ASAN” xidmət və “ASAN” kommunal mərkəzlərində “Məcburi köçkün qrupuna aid abonentlərdən müraciətlərin qəbulu” adlı yeni xidmət fəaliyyətə başlayır.
Qeyd edək ki, məcburi köçkün qrupuna aid abonentlərdən müraciətlərin qəbulu üçün tələb olunan sənədlər bunlardır - ərizə, müraciət edən şəxsin şəxsiyyət vəsiqəsi, arayış (Qaçqınların və Məcburi Köçkünlərin İşləri üzrə Dövlət Komitəsinin təsdiqi ilə), arayışda qeyd olunan şəxslərin şəxsiyyət vəsiqələri və ya doğum haqqında şəhadətnaməsi və ya ölüm haqqında şəhadətnaməsi.
Yeni xidmət ödənişsiz olacaq və xüsusi araşdırma tələb olunan hallarda 5 gün, olmadıqda isə 1 gün ərzində təmin ediləcək. Bu xidmət Qaçqınların və Məcburi Köçkünlərin İşləri üzrə Dövlət Komitəsinin “Azərişıq” ASC-nə təqdim etdiyi siyahıda adı olan şəxslərə şamil edilir.
Beləliklə “Azərişıq” ASC-nin “ASAN” xidmət və “ASAN” Kommunal vasitəsi göstərdiyi 10 xidmət, bu gündən etibarən 11 xidmət olur. Həmin xidmətlər isə əhali abonentinin enerji təchizatı şəbəkəsinə qoşulması, borcun araşdırılıb bu sənədin verilməsi, əhali istehlakçısının ad dəyişdirilməsi, qeyri-əhali qrupuna aid abonentlərə üzləşmə aktlarının verilməsi, qeyri-əhali istehlakçısının ad dəyişdirilməsi, smart kartların bərpası və yenisinin verilməsi, abonentin geniş tarixçəsinin verilməsi, sayğacın zədələnməsinin araşdırılması üçün müraciətlərin qəbulu, qeyri-əhali abonentinin enerji təchizatı şəbəkəsinə qoşulması, smart karta ödənişin yüklənməsi və nəhayət, məcburi köçkün qrupuna aid abonentlərdən müraciətlərin qəbulu adlı xidmətlərdir.

Xəbəri paylaş

6408 dəfə oxunub.

Digər xəbərlər

29-10-2018, 12:37 Mingəçevirdə yük maşını velosipedçinin üstündən keçdi

18-03-2023, 16:13 Novruz günlərində bu şəxslər ehtiyatlı olsun! - Həkimdən xəbərdarlıq

5-04-2017, 17:02 "Qadın xeylağıyam, mənə oğurluq mal vermə" - VİDEO - FOTO

20-11-2015, 16:15 Bakı küçələrində dilənçilər “yığışdırılır”

23-04-2016, 13:19 Səfirlikdəki mənbə: Lavrov-Sarkisyan görüşü çox gərgin keçib

8-09-2021, 17:23 Məhərrəm ayından sonra toylar olacaq? – Şadlıq saraylarında VƏZİYYƏT

22-10-2015, 16:14 Zakir Qaralov iki hərbi prokurorla bağlı əmr imzaladı

16-01-2018, 11:30 SOCAR “Palmali” Şirkətinin gəmilərini müsadirə etməyib-AÇIQLAMA

18-06-2016, 18:24 Eks-nazir: “Bizim əməkdaşlıq İrəvana qarşı yönəlməyib”