Yeməyi sürətlə yemək qida borusu xərçənginə səbəb olur

Yeməyi sürətlə yemək qida borusu xərçənginə səbəb olur
Tarix: 15-12-2017 | Saat: 11:38
Bölmə:Karusel / Şou-Biznes / M2 | çapa göndər

Şirift ölçüsü:

Qida borusu xərçəngi təəssüf ki, ilk mərhələdə heç bir əlamətlə üzə çıxmır.
Ona görə də xəstə yalnız vəziyyəti ağırlaşanda xərçəngə yaxalandığını anlayır.
Ən çox yayılan xərçəng növləri arasında 8-ci sırada olan yemək borusu xərçəngi insanları ölümlə təhdid edir.
Tütün, siqaret və spirtli içkilər, köklük, mineral çatışmazlığı (xüsusilə də sink çatışmazlığı) kimi faktorlar və radiasiyaya məruz qalmaq yemək borusu xərçəngi riskini artırır.
Ancaq alimlər bildirirlər ki, yemək borusu xərçənginin ən böyük səbəbi yanlış qidalanma vərdişləridir.
Bu təhlükəli xərçəngə yaxalanma riskini artıran 5 yanlış qidalanma vərdişini təqdim edir:
1. İçkiləri çox isti içmək
Qaynar çay, həddən artıq isti qəhvə və isti halda içilən digər içkilər yemək borusu xərçəngi riskini 2 dəfə artırır. Qaynar halda içilən içkilər yemək borusundaki hüceyrələrin məhv olmasına və xroniki yemək borusu iltihabına gətirib çıxarır ki, bu da həmin bölgədə xərçəngin yaranmasına səbəb ola bilər.
Ona görə də çayı, qəhvəni və digər içkiləri ilıq halda içməyə diqqət edin. Mütəxəssislərin belə məsləhəti var - dodaqlar yanmırsa, içkini içə bilərsiniz.
2. Konserv və hazır qidalardan istifadə etmək
Hisə verilmiş balıqlar, kolbosa, sosis, konservlər – hamısı sağlamlığımızın düşmənləridir. Belə qidalarda yüksək miqdarda “benzapyren” maddəsi var. Bu da xərçəngə səbəb olan ən təhlükəli maddələrdən biridir.
Onu da qeyd edək ki, manqalda bişirilən ətdə ortaya çıxan “nitrozamin” adlı kimyəvi maddə də xərçəng səbəbidir.
Ən yaxşısı əti suda, buğda və ya sobada bişirməkdir.
3. Qidaları uyğun gigiyenik şəraitdə mühafizə etməmək
Nəmli və isti mühitdə saxlanılan taxıl, fındıq, fıstıq, qoz, əncir, ərik kimi məhsullarda yaranan bəzi mikroorqanizmlər toksin ifraz edir.
Bu toksinlər yemək borusu xərçənginə səbəb olur.
Buna görə də qidaları soyuducuda və sərin anbarlarda mühafizə etmək lazımdır. Yadda saxlamaq lazımdır ki, kiflənmiş qidaların üzərini təmizləyib istifadə etmək olmaz.
4. Meyvə-tərəvəzi az yemək
Rasionda təzə meyvə və tərəvəzlər az olduqda da xərçəng xəstəliyi riski artır. Qida menyusunda meyvə tərəvəzə üstünlük verənlərin xərçəngə yaxalnma riski 2 dəfə azalır.
Xüsusuilə də sitrus meyvələri xərçəng riskini azlatmağa qadirdir.
Sağlam həyat üçün gündə 5 tərəvəz, 4 meyvə növündən faydalanmaq lazımdır.
Xüsusilə də pomidor, kök, ispanaq, sarımsaq, brokkoli, turp, kərəviz, gül kələm, kələm, ənginar, soğan və sitrus meyvələrini süfrənizdən əksik etməyin.
Əgər gün ərzində çox meyvə-tərəvəz yeyə bilməmisinizsə, şirəçəkəndən keçirib suyunu için.
5. Qidaları az çeynəmək
Yeməyi kiçik loxmalarla və yavaş-yavaş yemək mədənin həzm prosesini yaxşılaşdırır.
Yemək yeyərkən hər loxmanı ən az 40 dəfə çeynədiyinizdən əmin olun.
Yaxşı çeynəmədən udduğunuz qidalar yemək borusu xərçəngi riskini artırır.(publika.az)

Xəbəri paylaş

5858 dəfə oxunub.

Digər xəbərlər

31-05-2019, 16:27 Kimyaterapiyaya başlayan "Toppuş bacı"dan-AÇIQLAMA

18-08-2019, 13:55 2 yaşlı oğlunun yanaraq ölümünə səbəb olan ata YAXALANDI

28-05-2017, 18:44 Bu da oldu: vağzalla nikaha girdi +fotolar

1-10-2018, 12:11 Dispanserdəki yanğında həbs olunan həkim VƏFAT ETDİ

8-06-2022, 09:38 Ağıllı olmaq insanda bu problemi YARADIR - Alimlərdən İNANILMAZ ARAŞDIRMA

10-03-2016, 11:08 Saxta yuyucu maddələr istehsal edən şirkət ifşa edildi

24-11-2016, 12:25 "3 il sonra neft 100 dollar olacaq" - Natiq Əliyev

20-10-2015, 20:17 Toyundan iki gün əvvəl yoxa çıxan Qəbələ sakinini Bakıda görüblər

18-12-2016, 22:06 Əri Rusiyada işləyən qadının başına gələnlər - ŞOK