Bakıda ərini döyə-döyə öldürən 23 yaşlı qız danışdı:"AYAĞA QALXSAYDI..."

Bakıda ərini döyə-döyə öldürən 23 yaşlı qız danışdı:"AYAĞA QALXSAYDI..."
Tarix: 08-11-2017 | Saat: 14:31
Bölmə:Karusel / Gündəm / Hadisə | çapa göndər

Şirift ölçüsü:

Ötən gecə Bakının Sabunçu rayonunda həyat yoldaşı, 29 yaşlı Nazim Vəliyevi öldürən 23 yaşlı Tünzalə Vəliyeva hadisəni özünü müdafiə edərkən törətdiyini deyib.1 və 2 yaşlı iki körpə anası olan Tünzalə Vəliyeva ərinin onu demək olar ki, hər gün döydüyünü bildirib. Müxtəlif yerlərdə günəmuzd əməklə məşğul olan və evə içkili gələn Nazim Vəliyevin əməllərindən bezdiyini deyən qadın onu öldürməyi planlaşdırmadığını əlavə edib: "Məni hər gün döyürdü, təhqir edirdi. Dünən də döyməyə başladı, masanın üstündəki meyvə qabını başına vurdum, yerə yıxıldı. Qorxdum ki, durub məni öldürəcək, özümdən asılı olmayaraq qaz balonu ilə başına vurmağa başladım".

Tünzalə Vəliyeva saxlanılarkən məlum olub ki, əri onu stulla döydüyü üçün bir neçə gün əvvəl bir qolu sınıb və gipsdədir. Onun başının bəzi hissələrində, xüsusi ilə çənə nahiyəsində də əzik xəsarətləri olub.

Qeyd edək ki, fakta görə Cinayət Məcəlləsinin 120.1-ci (qəsdən adam öldürmə) maddəsi ilə iş başlanılıb. İlkin araşdırmalardan sonra cinayətin özünü müdafiə və ya ehtiyatsızlıq əsaslı maddəyə tövsif edilməsi ehtimalı var.

*****

9:54

Ötən gecə Bakının Sabunçu rayonunda törədilmiş dəhşətli qətl hadisəsi ilə bağlı bəzi məqamlar üzə çıxıb.Sabunçu qəsəbəsi Əbdülkərim Əlizadə küçəsində həyat yoldaşı Vəliyev Nazim Fəxrəddin oğlunu öldürən Vəliyeva Tünzalə Elşad qızının 23 yaşı var. İlkin xəbərlərdə Nazim Vəliyevin 45 yaşında olduğu bildirilsə də, onun 1989-cu ildə anadan olması, cinayətin isə balta ilə törədilmədiyi məlum olub.

Bildirilir ki, 1989-cu ildə anadan olmuş və əslən Qərbi Azərbaycandan olan Nazimlə Gədəbəy rayon sakini Tünzalə Vəliyeva 4 il əvvəl ailə həyatı qurub. Onlar Sabunçu qəsəbəsində yaşamağa davam ediblər və 2 övladları dünyaya gəlib. Lakin cütlük arasında münasibətlər zaman keçdikcə daha da pisləşib. Nazim tez-tez xanımını döyürmüş. Onun içkili vəziyyətdə evə gəlməsi münasibətləri daha da kəskinləşdirib. Geridə qalan müddətdə Tünzalə həyat yoldaşı barəsində polisə şikayət də edib.

Dünən saat 21 radələrində gənc ər-arvad arasında növbəti dəfə eyni səpkili münaqişə yaranıb və Nazim Tünzaləni vəhşicəsinə döyüb. Bu zaman 24 yaşlı qadın masanın üzərindəki iri meyvəqabı ilə onun başına zərbə endirib. Ağır xəsarət alan Nazim yerə yıxılıb. Ərinin qalxıb onu öldürəcəyindən qorxan Tünzalə Vəliyeva tez məişətdə istifadə edilən kiçik qaz balonunu gətirib və onun başına bir neçə öldürücü zərbə endirib. 28 yaşlı Nazim Vəliyev hadisə vaxtı ölüb.

Xəbəri paylaş

6928 dəfə oxunub.

Digər xəbərlər

11-06-2021, 10:42 Pərvindən çimərlik fotoları

2-01-2021, 01:16 Ərdoğan İlham Əliyevə zəng etdi

31-05-2023, 11:13 Bu güldür, qadın ayağı deyil - FOTO

6-07-2017, 20:42 Barmaqlarınızı sıxmaqla bədəninizi rahatladacağınızı bilirsinizmi?

20-07-2015, 10:05 Hərbçilərimiz Almaniyada keçirilən təlimdə iştirak edir

27-08-2018, 14:50 "Şəhriyar Məmmədyarova dəstək olmağa hazıram" — Manaf Ağayev

10-03-2017, 19:46 Ərdogan Putindən PYD-nin Moskva ofisinin bağlanmasını istədi

19-07-2017, 23:18 Niyə şərab içənin namazı 40 gün qəbul olmur?

7-11-2016, 09:38 İŞİD-in paytaxtına hücum başladı