Qarabağın Madrid sınağı...
Tarix: 31-10-2017 | Saat: 10:03
Bölmə:Karusel / Gündəm / İdman | çapa göndər
Bu gün “Qarabağ” komandası Çempionlar Liqasının qrup mərhələsində növbəti oyununu keçirəcək.
Ağdam təmsilçisi IV tur çərçivəsində İspaniyada “Atletiko”nun qonağı olacaq.
Bu kollektivlərin oktyabrın 18-də Bakı Olimpiya Stadionunda baş tutan ilk duelində qolsuz heç-heçə qeydə alınıb. İlk turda İngiltərədə “Çelsi”yə 0:6, evdə isə İtaliya təmsilçisi “Roma”ya 1:2 hesabı ilə uduzan “Qarabağ” madridlilərlə heç-heçə etməklə ilk xalını aktivinə yazıb. Bu uğurun davamını gətirmək çətin olsa da, nəzəri cəhətdən 1/8 finala vəsiqə qazanmaq da mümkündür.
Lakin Qurban Qurbanovun rəhbərlik etdiyi kollektiv səfərdə məğlub olarsa və “Roma” evdə “Çelsi”ni üstələyərsə, “Qarabağ” üçün ÇL-də mübarizəni davam etdirmək baxımından növbəti iki oyun formal xarakter daşıyacaq. Çünki italiyalılar 8 xalla Azərbaycan çempionu üçün əlçatmaz olacaq. “Çelsi” 7, “Atletiko” 5 xala malik olsa da, onlar arasında matçın qalması ağdamlıların ümidlərini puç edir.
“Atletiko”nun Çempionlar Liqası, La Liqa və İspaniya Kubokunda ümumilkdə keçirdiyi son 7 oyundan yalnız 1-də qalib gəlməsi “Qarabağ”ı ümidləndirən amildir. Ancaq madridlilərin son illərdəki uğurlarının memarı olan baş məşqçi Dieqo Simeone bu qarşılaşmaya dönüş nöqtəsi kimi baxır. Rəqib düşərgədə Koke və Yannik Karrasko kimi futbolçular zədədən əziyyət çəksələr də, paytaxt təmsilçisi geniş heyətə malikdir və istənilən oyunçunun yoxluğunu sığortalayacaq simalar var.
Əvəzində “Qarabağ” heyət baxımından ciddi problemlə üzləşib. “Atletiko” ilə Bakıdakı matçda qırmızı vərəqə alan qol ümidi Dino Ndlovu cəzalı durumdadır. Mərkəz müdafiəçiləri – Bədavi Hüseynovun zədə üzündən meydana çıxmayacağı dəqiqləşdiyi halda, əzələsi dartılan Yakub Jezniçakın durumu sual altındadır. Azərbaycan Premyer Liqasının son turunda “Səbail” ilə görüşdə xəsarət alan Pedro Enrike isə böyük ehtimalla komandaya kömək edə biləcək.
Qeyd edək ki, C qrupunun digər matçında “Çelsi” “Roma”nı məğlub edəcəyi təqdirdə, 1/8 finala vəsiqə qazanacaq.
Çempionlar Liqası, IV tur, C qrupu
31 oktyabr
23:45. “Atletiko” (İspaniya) – “Qarabağ” (Azərbaycan)
Baş hakim: Deniz Aytekin
Baş hakimin köməkçiləri: Qvido Klefe, Markus Heker
Əlavə köməkçi hakimlər: Daniel Zibert, Benyamin Brand
Dördüncü hakim: Eduard Baytinqer (hamısı Almaniya)
Madrid. “Metropolitano” stadionu
Xal durumu: “Çelsi” – 7, “Roma” – 5, “Atletiko” – 2, “Qarabağ” – 1.
Xəbəri paylaş
6698 dəfə oxunub.
Digər xəbərlər
Tarix: 31-10-2017 | Saat: 10:03
Bölmə:Karusel / Gündəm / İdman | çapa göndər
Bu gün “Qarabağ” komandası Çempionlar Liqasının qrup mərhələsində növbəti oyununu keçirəcək.
Ağdam təmsilçisi IV tur çərçivəsində İspaniyada “Atletiko”nun qonağı olacaq.
Bu kollektivlərin oktyabrın 18-də Bakı Olimpiya Stadionunda baş tutan ilk duelində qolsuz heç-heçə qeydə alınıb. İlk turda İngiltərədə “Çelsi”yə 0:6, evdə isə İtaliya təmsilçisi “Roma”ya 1:2 hesabı ilə uduzan “Qarabağ” madridlilərlə heç-heçə etməklə ilk xalını aktivinə yazıb. Bu uğurun davamını gətirmək çətin olsa da, nəzəri cəhətdən 1/8 finala vəsiqə qazanmaq da mümkündür.
Lakin Qurban Qurbanovun rəhbərlik etdiyi kollektiv səfərdə məğlub olarsa və “Roma” evdə “Çelsi”ni üstələyərsə, “Qarabağ” üçün ÇL-də mübarizəni davam etdirmək baxımından növbəti iki oyun formal xarakter daşıyacaq. Çünki italiyalılar 8 xalla Azərbaycan çempionu üçün əlçatmaz olacaq. “Çelsi” 7, “Atletiko” 5 xala malik olsa da, onlar arasında matçın qalması ağdamlıların ümidlərini puç edir.
“Atletiko”nun Çempionlar Liqası, La Liqa və İspaniya Kubokunda ümumilkdə keçirdiyi son 7 oyundan yalnız 1-də qalib gəlməsi “Qarabağ”ı ümidləndirən amildir. Ancaq madridlilərin son illərdəki uğurlarının memarı olan baş məşqçi Dieqo Simeone bu qarşılaşmaya dönüş nöqtəsi kimi baxır. Rəqib düşərgədə Koke və Yannik Karrasko kimi futbolçular zədədən əziyyət çəksələr də, paytaxt təmsilçisi geniş heyətə malikdir və istənilən oyunçunun yoxluğunu sığortalayacaq simalar var.
Əvəzində “Qarabağ” heyət baxımından ciddi problemlə üzləşib. “Atletiko” ilə Bakıdakı matçda qırmızı vərəqə alan qol ümidi Dino Ndlovu cəzalı durumdadır. Mərkəz müdafiəçiləri – Bədavi Hüseynovun zədə üzündən meydana çıxmayacağı dəqiqləşdiyi halda, əzələsi dartılan Yakub Jezniçakın durumu sual altındadır. Azərbaycan Premyer Liqasının son turunda “Səbail” ilə görüşdə xəsarət alan Pedro Enrike isə böyük ehtimalla komandaya kömək edə biləcək.
Qeyd edək ki, C qrupunun digər matçında “Çelsi” “Roma”nı məğlub edəcəyi təqdirdə, 1/8 finala vəsiqə qazanacaq.
Çempionlar Liqası, IV tur, C qrupu
31 oktyabr
23:45. “Atletiko” (İspaniya) – “Qarabağ” (Azərbaycan)
Baş hakim: Deniz Aytekin
Baş hakimin köməkçiləri: Qvido Klefe, Markus Heker
Əlavə köməkçi hakimlər: Daniel Zibert, Benyamin Brand
Dördüncü hakim: Eduard Baytinqer (hamısı Almaniya)
Madrid. “Metropolitano” stadionu
Xal durumu: “Çelsi” – 7, “Roma” – 5, “Atletiko” – 2, “Qarabağ” – 1.
Xəbəri paylaş
Digər xəbərlər
31-10-2018, 15:13
“O gözəl xanımlara baxır, mən də gözəl bəylərə” - Təranə
4-10-2019, 10:40
Lüksemburqun idman naziri təxribata görə "Qarabağ"dan üzr istəyib
19-09-2016, 18:50
DƏHŞƏT: Cinsi əlaqəyə razı olmayan 19 qadını diri-diri yandırdılar
25-10-2015, 13:48
Cəbhə bölgəsi kəndinin 700 ballı prezident təqaüdçüsü
25-06-2022, 12:55
Nadir Qafarzadədən xəyanət ETİRAFI: "Eləmişəm, cavanlıqda olub, həyat yoldaşım da bilib" - VİDEO
11-12-2020, 13:12
Eldar Həsənov özünə yeni vəkil tutdu
11-11-2016, 10:45
Lənkəranskinin varisi işi: Nazirə təşəkkür...
28-05-2019, 16:00
Avtomobillərdə plyonka məsələsi: qanun qadağan edir, polis “olar” deyir
18-11-2021, 08:47
“Ata, şəhid olub gələcəm, mənimlə fəxr edəcəksən” – Şəhid Elmin Əlizadə
22-05-2016, 16:43
Rus təyyarəsi son anda qəzadan xilas oldu