Bakı Metropolitenindən "Qarabağ"la bağlı AÇIQLAMA

Bakı Metropolitenindən "Qarabağ"la bağlı AÇIQLAMA
Tarix: 19-10-2017 | Saat: 14:43
Bölmə:Karusel / Gündəm | çapa göndər

Şirift ölçüsü:

Oktyabrın 18-də Bakı Olimpiya Stadionunda keçirilmiş "Qarabağ" - "Atletiko" qarşılaşması ilə əlaqədar olaraq, Bakı Metropoliteninin stansiyaları əvvəlki günlərə nisbətən 55 min nəfər artıq sərnişin daşıyıb.
Xəbəraz.Az xəbər verir ki, bu barədə Trend-ə "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Nəsimi Paşayevməlumat verib.
Onun sözlərinə görə, sərnişin çoxluğu əsasən "Koroğlu" stansiyasında qeydə alınıb: "Saat 17:00-dan sonra bu qədər artıq sərnişin daşınıb. Bu da oyunla bağlı idi. Daşınmada ciddi problem olmadı, çünki metropoliten əməkdaşları gücləndirilmiş iş rejimində çalışırdı. Saat 18:00 radələrində stansiyalarda sıxlıqlar yarandı ki, bu, həm də pik saatlarla bağlı idi. Yəni eyni vaxtda həm işdən çıxanlar, həm də "Qarabağ" - "Atletiko" oyununa gedənlər olduğu üçün sıxlıq yarandı. Buna baxmayaraq, ciddi narahatlıq olmadı".
N.Paşayev bildirib ki, oyun başa çatdıqdan sonra da "Koroğlu" stansiyasında qismən sıxlıq yaranıb: "Bunun isə iki səbəbi var idi: əksər sərnişinlərin gedişhaqqı kartlarının olmaması, onların turniketlərin qarşısında dayanaraq kartla metroya daxil olan sərnişinləri gözləməsi. Digər tərəfdən, stansiyaya daxil olan əksər sərnişinlərin kartları olsa da, balansı bitmişdi. Həmin sərnişinlərin kartı yükləmək üçün növbələr yaratması da sərnişinlərin hərəkətinə mane oldu. Bütün hallarda stansiya əməkdaşları sıxlığın qarşısını almağa çalışdılar və ümumilikdə daşınma normal həyata keçirildi. Ona görə də sərnişinlərdən xahiş edirik ki, bu cür tədbirlərə getmək üçün metropolitendən istifadə edərkən əvvəlcədən hazırlıqlı gəlsinlər ki, stansiyalarda problem yaranmasın".
Xatırladaq ki, sentyabrın 27-də Bakıda keçirilmiş "Qarabağ" - "Roma" oyunundan sonra Bakı metrosuna 1 saata 25 mindən artıq sərnişin daxil olmuş və bu da "Koroğlu" stansiyasında sıxlıq yaratmışdı.

Xəbəri paylaş

6808 dəfə oxunub.

Digər xəbərlər

1-12-2023, 22:03 "Səhərin qaranlıq sabahları"

17-06-2017, 12:00 Türkiyəyə terror xəbərdarlığı: ABŞ bu dəfə ünvanına qədər dedi - FOTO

27-07-2015, 11:56 Samiraldo: O, səhnənin ikinci Samir Bağırovu olacaq – FOTO

6-01-2018, 12:29 “Siz “şparqalka”dan istifadə etməmisiz?” - Rektor əsəbiləşdi

29-09-2016, 17:08 DİQQƏT! Hansı məktəbdə pul yığılsa, direktor işdən qovulacaq

7-01-2016, 12:40 Mübariz Ağayev parkda yeyib-içmək məclisi qurdu, ara qarışdı

4-07-2017, 16:24 Natavanın bu ay iki toyu olacaq

17-12-2017, 11:37 Peyğəmbərin buyurduğu MÜALİCƏVİ VASİTƏLƏR

24-03-2015, 12:13 Bakıda narkoman ana 5 yaşlı uşağını dilənməyə məcbur etdi