Oğurluğa görə cəzalar həm sərtləşdirilir, həm də yumşaldılır

Oğurluğa görə cəzalar həm sərtləşdirilir, həm də yumşaldılır - DETALLAR
Tarix: 14-10-2017 | Saat: 17:35
Bölmə:Karusel / Gündəm | çapa göndər

Şirift ölçüsü:

Azərbaycanda oğurluq edən şəxslərə yeni cəzalar tətbiq olunacaq.

Bununla bağlı Cinayət Məcəlləsinin 177-ci maddəsinə (Oğurluq) dəyişikliklər edilir.

Məcəlləyə yeni bənd – 177.4 əlavə edilir. Yeni bəndə əsasən, özgənin əmlakını gizli olaraq talamaq əməlinə görə və eyni əməllər, mütəşəkkil dəstə tərəfindən külli miqdarda ziyan vurmaqla törədildikdə 12 ildən 15 ilədək azadlıqdan məhrumetmə cəzalandırılır.

Hazırki qanunvericiliyə görə oğurluğa görə ən ağır cəza 12 ildir.

Bundan başqa, 177.1 maddəsinin sanksiyasında da dəyişiklik edilir, cərimə ləğv olunur, “2 ilədək müddətə azadlığın məhdudlaşdırılması” cümləsi əlavə edilir. Belə ki, oğurluq, yəni özgənin əmlakını gizli olaraq talamaq əməlinə görə 360 saatdan 480 saatadək ictimai işlər və ya 2 ilədək müddətə islah və ya 2 ilədək müddətə azadlığın məhdudlaşdırılması və ya 2 ilədək müddətə azadlıqdan məhrumetmə ilə cəzalandırılır”.

Hazırki qanunvericilikdə isə sanksiya belədir: “1000 manatdan 2 min manatadək miqdarda cərimə və ya 360 saatdan 480 saatadək ictimai işlər və ya 2 ilədək müddətə islah işləri və ya 2 ilədək müddətə azadlıqdan məhrum etmə ilə cəzalandırılır”.

177.2 maddəsinin də sanksiyasında dəyişiklik edilir. Hazırki qanunvericiliyə görə, eyni əməllər qabaqcadan əlbir olan bir qrup şəxs tərəfindən törədildikdə, təkrar törədildikdə, yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla törədildikdə, elektron məlumat daşıyıcılarından, yaxud informasiya texnologiyalarından istifadə edilməklə törədildikdə, neft kəmərlərinə, dövlət və ya ictimai əhəmiyyətli təbii qaz, rabitə, elektrik, istilik enerjisi, su, kanalizasiya, dəmir yolu xətlərinə münasibətdə törədildikdə, xeyli miqdarda ziyan vurmaqla törədildikdə, zərərçəkmiş şəxsin üzərindən, cibindən, çantasından və ya digər əl yükündən çıxarılmaqla törədildikdə 4 min manatdan 7 min manatadək miqdarda cərimə və ya əmlakı müsadirə olunmaqla və ya olunmamaqla 3 ildən 7 ilədək müddətə azadlıqdan məhrum etmə ilə cəzalandırılır.

Dəyişikliyə görə isə, sanksiya belədir: “1 ildən 3 ilədək müddətə azadlığın məhdudlaşdırılması və ya 2 ildən 5 ilədək müddətə azadlıqdan məhrumetmə ilə cəzalandırılır”. Beləliklə, bu cəzanın cəzası yüngülləşdirilir.

177.3 maddəsinin sanksiyası isə yüngülləşdirilir.

Bu əməllər mütəşəkkil dəstə tərəfindən külli miqdarda ziyan vurmaqla törədildikdə 5 ildən 10 ilədək müddətə azadlıqdan məhrumetmə ilə cəzalandırılacaq.

Maddənin qeyd hissəsi də dəyişdirilir. Belə ki, “Xeyli miqdar” dedikdə 5 min manatdan yuxarı, lakin 50 min manatdan artıq olmayan məbləğ, “külli miqdar” dedikdə 50 min manatdan yuxarı, lakin 500 min manatdan artıq olmayan məbləğ, “xüsusi külli miqdar” dedikdə 500 min manatdan yuxarı olan məbləğ başa düşülür.

Hazırki qanunvericiliyə görə isə belədir: “Xeyli miqdar” dedikdə, üç min manatdan yuxarı, lakin on min manatdan artıq olmayan məbləğ, “külli miqdar” dedikdə on min manatdan artıq olan mәblәğ başa düşülür.

Xəbəri paylaş

7408 dəfə oxunub.

Digər xəbərlər

26-12-2016, 14:41 Niyam Salami vəd verdi: “Hər kəs şok olacaq” - FOTOLAR

20-01-2022, 11:56 Tağıyevin heykəli niyə yerdən qoyulub? - Müəllifi AÇIQLADI - VİDEO

20-05-2017, 23:41 Bolqar bibərinin sağlamlıq üçün 10 UNİKAL FAYDASI

23-05-2015, 21:58 65 yaşlı qadın 4 əkiz uşaq dünyaya gətirdi

4-01-2018, 11:32 Silahlı Qüvvələrə Yardım Fonduna daxil olan vəsait açıqlanıb

3-11-2018, 16:33 “Gənclik Mall”da film kimi olay: 40 min dollar oğurlandı

1-01-2021, 19:43 Bu meyvənin qabığı koronavirusu öldürür

24-12-2022, 11:06 Bu bürcün başından pul töküləcək - 2023-ün PROQNOZU

7-01-2018, 11:41 Naxçıvandan Məşhədə yenidən qatar gedəcək