Şeyxülislama sərt İTTİHAM: “Axund vəzifəsini ləğv etməklə şiə-sünni problemini alovlandırır”

Şeyxülislama sərt İTTİHAM: “Axund vəzifəsini ləğv etməklə şiə-sünni problemini alovlandırır”
Tarix: 16-09-2017 | Saat: 09:59
Bölmə:Karusel / Gündəm / İbadət | çapa göndər

Şirift ölçüsü:

"İstəyirik ki, "İslam Həmrəyliyi İli" çərçivəsində belə bir qərar qəbul edək ki, axund sözü yığışdırılsın, onun yerinə ancaq imam sözü işlədilsin".

Xəbər verdiyimiz kimi, bunu Qafqaz Müsəlmanları İdarəsinin (QMİ) sədri Allahşükür Paşazadə Qazilər Şurasının toplantısında deyib. QMİ sədri bildirib ki, axund sözü dünyada, məsələn, Türkiyədə işlədilmir.
Maraqlıdır, bu dəyişikliyin nəticəsi necə ola bilər?

Dini Qurumlar üzrə Dövlət Komitəsinin keçmiş sədri Rafiq Əliyev açıqlamasında bildirib ki, bu dəyişiklik sünni-şiə mübahisəsini alovlandıra bilər:

“Bilirsiniz, sünnilərdə axund adı işlədildiyi halda, bu, şiələrdə imamdır. Bu səbəbdən axund sözünün yığışdırılıb, onun yerinə ancaq imam sözünün işlədilməsi sünnilərin narazılığına səbəb ola bilər. Bu qərar sünni-şiə problemini daha da alovlandıra bilər və qərarın mənfi nəticələrini nəzərə almaq lazımdır”.

R.Əliyev qeyd edib ki, bu cür qərarın verilməsinə ehtiyac yox idi:

“Düzdür, digər ölkələrdə “məscidin imamı” ifadəsindən istifadə edilir. Bu artıq onlarda formalaşmış bir şeydir. Lakin bizdə oturuşmuş variant olduğu üçün bunu dəyişməyə ehtiyac yoxdur. Başqa ölkələrdəki hər şeyi tətbiq etmək lazım deyil. Ola bilər, kimisə təyin edəndə onun əmrində axund sözü yazılsın. Amma insanlar kimini axund, kimini isə imam kimi tanıyır. Bunu dəyişmək mümkün deyil.

Axund və imam sözünün anlamlarında böyük fərq yoxdur. Bunlar hamısı məsciddə məruzə oxuyan adamlardır. Sadəcə “imam” sözü qabaqda durub namaz qılan insan anlamını ifadə edir. “Axund” sözü isə həm namaz qılan, həm də məruzə oxuyan mənasındadır”.

Qeyd edək ki, QMİ sədrinin bu təklifi toplantıda səsə qoyulub və axund sözü yığışdırılaraq onun yerinə məscidlərdə ancaq imam vəzifəsinin olması qəbul olunub.

Beləliklə, bundan sonra məscidlərdə axund vəzifəsi olmayacaq, yalnız imam vəzifəsi olacaq.

Xəbəri paylaş

7888 dəfə oxunub.

Digər xəbərlər

4-08-2016, 23:58 “Sovetski”də tikintiyə start verildi - PREZİDENT PUL AYIRDI

26-03-2023, 10:17 Onlar varlanmaq üçün doğulub - Ən zəngin 6 BÜRC

8-08-2018, 19:14 Deputat: "İrana qarşı sanksiyaların “Cənub Qaz Dəhlizi”nə şamil edilməməsi layihənin nə dərəcədə əhəmiyyətli olduğunu göstərir"

10-03-2019, 09:05 Göyçayda yaşayış evində yanğın

14-02-2017, 14:59 Bələdiyyələrin sayı azaldılır? - Milli Məclisdə TƏKLİF

30-09-2022, 13:15 Sabah 33 dərəcəyədək isti olacaq

8-06-2020, 21:30 “Baku Steel Company”nin rəhbəri jurnalisti məhkəməyə verdi - FOTO

17-03-2019, 11:58 Qobustan qapalı tipli həbsxanasında 2 nəfər azadlığa buraxıldı - FOTO

7-02-2017, 12:57 Qadınları həqiqi hərbi xidmətə çağıra bilərlər - Gürcüstanda