Ölkə ərazisində bir neçə gündür isti hava şəraiti hökm sürür.  

Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədovanın verdiyi məlumata əsasən, isti hava şəraiti iyulun 6-nadək davam edəcək:
“Respublikanın rayonlarında, eləcə də paytaxtda günəşli hava şəriti bir neçə gündür davam edir. Hava şəraitinin isti keçməsi iyul ayının özünəməxsus xüsusiyyətlərindəndir. Əvvələki illərə nəzər salsaq görərik ki, iyul ayında belə temperatur müşahidə olunub”.
Gülşad Məmmədova qeyd edib ki, iyul ayının 6-nadək Bakı və Abşeron yarmadasında, eləcə də bölgələrimizdə 35-40, Mərkəzi Aran rayonları, eləcə də Naxçıvan Muxtar Respublikasının bəzi yerləridnə 41-43, dağlıq ərazilərdə isə 27-32 dərəcə isti olacağı gözlənilir.