İordaniyalı rəsmilər İlham Əliyevin qəbulunda

İordaniyalı rəsmilər İlham Əliyevin qəbulunda — YENİLƏNİB
Tarix: 10-05-2017 | Saat: 14:10
Bölmə:Karusel / Siyasət / Gündəm | çapa göndər

Şirift ölçüsü:

Azərbaycan prezidenti İlham Əliyev İordaniya Haşimilər Krallığı parlamentinin Nümayəndələr Palatasının sədri Atef Yusif Saleh Əl Taravnehin başçılıq etdiyi nümayəndə heyətini qəbul edib.

Azərbaycanla İordaniya arasında ikitərəfli münasibətlərin müxtəlif sahələri əhatə etdiyini və yüksək səviyyədə olduğunu vurğulayan prezident İlham Əliyev ölkələrimizin həm siyasi, həm də iqtisadi sahədə çox yaxşı əməkdaşlıq etməsinin önəmini qeyd edib.

Özünün İordaniyaya və İordaniya Kralının Azərbaycana səfərlərini məmnunluqla xatırlayan dövlət başçısı İordaniya kralı ilə də çox yaxşı əlaqələrinin mövcud olduğunu deyib. Prezident İlham Əliyev Azərbaycanla İordaniyanın bir-birini beynəlxalq təşkilatlarda daim dəstəkləmələrinin əhəmiyyətini vurğulayıb.

Azərbaycanın İslam həmrəyliyinin gücləndirilməsi üçün çox böyük səylər göstərdiyini qeyd edən dövlət başçısı bildirib ki, bunun növbəti nümunəsi iki gün sonra Bakıda keçiriləcək IV İslam Həmrəyliyi Oyunlarıdır. Prezident İlham Əliyev İordaniya idmançılarının da bu oyunlarda çox geniş heyətlə iştirak edəcəklərindən məmnun olduğunu deyib.

Azərbaycan-İordaniya parlamentlərarası əlaqələrinin də inkişafının razılıq doğurduğunu deyən prezident İlham Əliyev Atef Yusif Saleh Əl Taravnehin parlament üzvlərindən ibarət böyük nümayəndə heyəti ilə ölkəmizə səfərinin uğurlu olacağına, azərbaycanlı həmkarları ilə səmərəli danışıqlar aparacaqlarına və bu səfərin ölkələrimiz arasında əlaqələrin inkişaf etdirilməsi işinə xidmət edəcəyinə əminliyini bildirib.

İordaniya parlamentinin Nümayəndələr Palatasının sədri isə ölkələrimiz arasında mövcud olan dostluq və əməkdaşlıq münasibətləri ilə fəxr etdiklərini bildirib: “Hesab edirik ki, biz bu münasibətlərdən istifadə edərək regional və beynəlxalq müstəvidə cərəyan edən proseslərə öz müsbət töhfəmizi verə bilərik”.

Ölkəmizdə görülən genişmiqyaslı tədbirlərə toxunan iordaniyalı qonaq deyib ki, prezident İlham Əliyevin müdrik rəhbərliyi ilə Azərbaycanda həyata keçirilən böyük işlər İordaniyada maraqla izlənilir.

Görüşdə ölkələrimiz arasında turizm, sərmayə qoyuluşu, idxal-ixrac, təhlükəsizlik və digər sahələrdə əməkdaşlığın inkişaf etdirilməsi ilə bağlı məsələlər ətrafında fikir mübadiləsi aparılıb.
***
Azərbaycan Respublikasının Prezidenti İlham Əliyev mayın 10-da İordaniya parlamentinin Nümayəndələr Palatasının sədri Atef Yusif Saleh Əl Taravnehin başçılıq etdiyi nümayəndə heyətini qəbul edib.
Bu barədə Azərbaycan prezidentinin mətbuat xidməti məlumat yayıb.

Xəbəri paylaş

6908 dəfə oxunub.

Digər xəbərlər

27-05-2019, 13:55 Nazpəri Dostəliyevanın qardaşı qızının açıq-saçıq görüntüləri yayılıb - Foto

8-07-2015, 20:20 WhatsApp-da yeni dəyişiklik

22-10-2017, 17:41 Marneulidə güllələnən Çovdarov seçkidə birinci oldu

16-04-2015, 16:27 İlahə İbadova: Ərim məni ATV-nin qabağında döydü - VİDEO

9-10-2023, 09:58 Samirə Əfəndi ailəsi ilə birlikdə İsraildən çıxdı - FOTO

25-07-2015, 12:25 MN: Ordumuz şəhid verdi (FOTO)

8-07-2015, 18:31 Nabrandakı qətllə bağlı rəsmi məlumat - VİDEO

9-05-2016, 16:31 Avstriya kansleri istefaya getdi

25-10-2017, 12:48 Boşanan müğənnimizin keçmiş xanımından ŞOK SÖZLƏR: "Atanla anan..."