Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Salyanda su arxında hərbi sursat tapıldı - Foto
Tarix: 10-10-2016 | Saat: 20:20
Bölmə:Karusel / M2 / Foto-fakt | çapa göndər

Salyanda su arxında hərbi sursat tapıldı - Foto


Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) mütəxəssisləri oktyabrın 10-da Fövqəladə Hallar Nazirliyinin Böhran Vəziyyətlərində İdarəetmə mərkəzinin məlumatına əsasən, bir qoruq ərazisinə və su arxına baxış keçiriblər. Baxış zamanı ümumilikdə 9 partlamamış hərbi sursat aşkarlanıb. Gün ərzində 11 min kvadratmetr ərazi yoxlanılıb.

ANAMA-nın mətbuat xidmətindən bildiriblər ki, Salyan rayonunun Şirvan Milli Parkında səkkiz ədəd partlamamış hərbi sursat - 140 millimetrlik 3 “M-14 OF” raketi, 100 millimetrlik 2 “BR-412B” top mərmisi, 100 millimetrlik 1 “PBR-412” top mərmisi, tank əleyhinə 1 “PQ-7” raketin mühərriki və 100 millimetrlik 1 partlayış dalğalı donanma top mərmisi aşkar olunaraq götürülüb.

Ağdam rayonunun Evoğlu kəndində su arxına baxış keçirilib. Baxış zamanı bir partlamamış hərbi sursat - 100 millimetrlik “OF-32” top mərmisi aşkarlanıb.

Aprelin 7-dən oktyabrın 10-dək agentlik tərəfindən Zərdab, Tərtər, Ağcabədi, Ağdam, Bərdə, Füzuli, Goranboy, Tovuz, Qazax, Ağstafa, Samux, Göygöl, Şəmkir, Cəlilabad, Ucar, Astara, Salyan rayonlarında, Mingəçevir, Sumqayıt, Gəncə, Lənkəran, Şirvan və Bakı şəhərlərində, ümumilikdə, 646 ev və həyətyanı sahəyə, 3 hərbi hissəyə, 2 kənd qəbiristanlığına, 5 kənd orta məktəbinə, bir tibb məntəqəsinə, bir metal anbarına, 30 fermaya, əkin sahələrinə, bir şərab zavoduna, bir qoruq ərazisinə və bir çınqıl karxanasına baxış olub.

Nəticədə 3947 partlamamış hərbi sursat, piyada əleyhinə 15, o cümlədən üç “POMZ-2”, bir “OZM-72”, 2 ədəd “siqnal minası” və tank əleyhinə 42 mina aşkarlanaraq zərərsizləşdirilib.

Salyanda su arxında hərbi sursat tapıldı - Foto


Xəbəri paylaş

7198 dəfə oxunub.

Digər xəbərlər
bütün xəbərlər
____ Instagram ___