''Wikileaks''-dən Hillari Klintona zərbə - Məxfi məlumatlar yayıldı

''Wikileaks''-dən Hillari Klintona zərbə - Məxfi məlumatlar yayıldı
Tarix: 08-10-2016 | Saat: 14:17
Bölmə:Karusel / Siyasət / M2 | çapa göndər

Şirift ölçüsü:

“Wikileaks” saytı ABŞ-da demokratların prezidentliyə namizədi olan sabiq dövlət katibi Hillari Klintonun seçki kampaniyasını icra edən qrupun rəhbəri Con Podestaya aid 2060 elektron məktubu dərc edib.

Avropa.info xəbər verir ki, sayt ilk hissəsi 2060 elektron məktubdan ibarət "Podestà sızıntısı"nın 2008-2016-ci illərdəki yazışmaları əhatə etdiyini və davamının olacağını açıqlayıb.

Klintonun dövlət katibi vəzifəsindən ayrıldıqdan sonra “Wall Street” şirkətləri üçün pul müqabilində etdiyi çıxışlarının mətnlərinin də sızdırılan sənədlər arasında olduğu bildirilir.

Sənədlərdə həmçinin Klintonun “Wall Street” şirkətləri üçün 2013-2014-cü illərdə etdiyi çıxışlar müqabilində ümumilikdə 21,6 milyon dollar aldığı əks olunur.

Podestaya gələn minlərlə elektron məktubun arasında Türkiyənin də aralarında olduğu bir çox ölkə ilə bağlı xarici siyasət analizləri də daxil olmaqla çoxlu sayda yazışma var.

Klinton ailəsinə olduqca yaxın olduğu bilinən Podestà 1998-2001-ci illərdə Bill Klintonun mətbuat katibi vəzifəsində çalışmışdı.

“Wikileaks”in qurucusu Culian Assanc bu həftədən etibarən yeni sənədləri dərc edəcəklərini, bunların “Google” və ABŞ-dakı seçki kampaniyası, müharibələr, silah satışları və neft sənayesi kimi mövzuları əhatə edəcəyini bildirib.

Yeni “Wikileaks” məlumatlarının ABŞ-ın, Demokrat Partiyanın təşkilat və seçki kampaniyası ilə bağlı hesablarına kiber hücumlarla bağlı Rusiyanı ilk dəfə rəsmi olaraq ittiham etməsindən bir neçə saat sonra dərc olunması da diqqətdən kənarda qalmayıb.

İlk dəfə bu ilin iyun ayında Demokrat Partiyasının rəhbərliyi tərəfindən gündəmə gətirilən kiber hücum məsələsinin arxasında Rusiyanın olub olmadığı uzun müddət müzakirə olunmuşdu. Hillari Klinton iyul ayının sonunda açıq olaraq Rusiyanı ittiham etmiş, rəsmi Moskva isə bu ittihamları rədd etmişdi.

Xəbəri paylaş

7608 dəfə oxunub.

Digər xəbərlər

25-04-2016, 21:10 Gürcüstanda azərbaycanlı gənc özünü asdı

29-09-2018, 11:36 Zaur məbləği kimə istəyir versin" - "Toppuş bacı" peşiman oldu

1-06-2017, 19:25 Məşhur aktrisanın avtoservisdə olan şəkilləri yayıldı-FOTOLAR

22-05-2015, 21:47 Ağdaş ilk Avropa Oyunlarının məşəl estafetini qəbul etdi

29-06-2015, 22:43 Sabah Vyanada İranın nüvə proqramı ətrafındakı vəziyyəti müzakirə ediləcək

28-04-2022, 22:40 YANĞININ SƏBƏBİ BƏLLİ OLDU

10-04-2018, 13:23 Hər dəvətnamə gələn toya getməliyikmi? - ÇIXIŞ YOLU NƏDİR?

25-11-2019, 06:45 Bakıda ağır qəza: ölən və xəsarət alanlar var - FOTO

4-02-2019, 10:54 Kanada sakini lotereyadan 25 milyon dollar qazandı