Ünvanlı sosial yardım alanlara pul əvəzinə ərzaq kartı verilsin

Ünvanlı sosial yardım alanlara pul əvəzinə ərzaq kartı verilsin - TƏKLİFLƏR
Tarix: 20-09-2016 | Saat: 14:31
Bölmə:Karusel / İqtisadiyyat | çapa göndər

Şirift ölçüsü:

İqtisadçı Qalib Toğrul Əmək və Əhalinin Sosial Müdafiəsi Nazirliyi tərəfindən verilən Ünvanlı Dövlət Sosial Yardımla (ÜDSY) təkliflər irəli sürüb.
"Xəbəraz.az " xəbər verir ki, ekspertin sözlərinə görə, bu yardımın verilməsilə bağlı elektron sistemə keçdikdən sonra da problemlər həll olunmayıb.

"Maraqlıdır ki, bu sahədə korrupsiya və rüşvət olduğunu etiraf edən yeni rəhbərlik nazirliyin data base-də formalaşmış sosial yardım alanların bazasından imtina etmək əvəzinə yeni yardım təyinatları zamanı ona istinad etməyə başladı, hətta özünümaliyyələşdirmə layihəsinin də bu baza əsasında həyata keçiriləcəyini elan elədi.

ÜDSY, obrazlı desək, ölü doğulub. Sistem işə düşdüyü ilk ildən (2006) bu günə qədər bu istiqamətdə təxminən 2 milyard manat pul xərclənib. Ancaq sosial yardım alanların yarıdan çoxunun yoxsul (aztəminatlı ailə) olmaması xərcləmələrin səmərələliliyini azaldıb".

Qalib Toğrul sosial yardım sistemindəki korrupsiya hallarının azaldılması (ləğvi), iqtisadi böhran və son aylar artan inflyasiya fonunda əhalinin aztəminatlı həssas təbəqəsinin qorunması, sosial gərginliyin yumşaldılması məqsədilə təkliflər irəli sürüb.

1. Sosial yardım alanlara hər ay pul yardımı əvəzinə ancaq ərzağa xərclənmək şərtilə sosial kartlar verilsin. Yəni həmin kartdakı məbləğə ərzaqdan başqa heç nə almaq mümkün olmasın
Dünya təcrübəsində yoxsul ailələrin əksəriyyəti aldıqları yardımın demək olar ki, hamısını ərzağa xərcləyirlər. Bunun üçün nazirlik bu istiqamətdə bir tədqiqat aparıb real vəziyyətə aydınlıq gətirə bilər. Ancaq onu deyim ki, İqtisadi Tədqiqatlar Mərkəzinin 2013-cü ildə apardığı tədqiqat bunu təsdiq edib.

2. Sosial kart vasitəsilə alınmasına icazə verilən ərzağın siyahısı hazırlanaraq təsdiq edilsin.
Bu siyahıya saxlanma müddəti qısa olan ilkin tələbat malları - çörək, süd, pendir, yağ, xama, kəsmik, tərəvəz, meyvə, şəkər tozu, ət, yumurta, qarabaşaq, düyü və sair daxil edilə bilər.

3. Kartdakı məbləğin tamının bir ay (və ya ayyarım) ərzində xərclənməsi şərti qoyulsun. Bir aydan sonra həmin məbləğ dondurlulsun.

4. Kart vasitəsilə ancaq əvvəlcədən razılaşdırılmış, sosial kartların xüsusi sistemə inteqrasiya olunduğu marketlərdə alış-veriş etmək mümkün olsun.

5. Sosial kartların verilməsi zamanı ÜDSY-nin hesablanması üçün istifadə olunan Ehtiyac meyarı göstəricisindən imtina olunmalı, adambaşına aylıq gəliri Ölkə üzrə Yaşayış Minimumu göstəricisindən aşağı olan aztəminatlı ailələrin üzvlərinə verilən məbləğ elə bu göstəriciyə uyğun olaraq da hesablanmalıdır.
Son vaxtlar əksər ərzaq məhsullarının bahalaşması artıq ÜDSY-nın hazırkı hesablanma mexanizmini üçün istifadə olunan 105 manatlıq Ehtiyac meyarının ləğvini, 136 manatlıq Yaşayış minimumunu keçməyi tələb edir.

6. Nəhayət, yerli istehsalı təşviq etmək üçün sosial kartla yalnız Azərbaycan istehsalı olan məhsulların alınması şərti qoyulmalıdır.

7. Ən nəhayət, yeni sistemə keçməzdən nazirliyin data base-dəki sosial yardım alanlar ciddi surətdə ələkdən keçirilməli, yoxlanılmalı, əsl yoxsullar üçün sosial yardımın qapısı həmişə açıq olmalıdır.

Xəbəri paylaş

1 1968 dəfə oxunub.

Digər xəbərlər

6-05-2016, 00:05 Türkiyə İŞİD-i vurdu: 5 ölü

22-01-2017, 20:46 "Bozbaş"ın "ağsaqqal"ı evlənir

2-08-2021, 11:45 Bu maşınlar yanacaq əvəzinə viski ilə işləyir

29-08-2015, 09:33 Məhşur boksçudan inanılmaz hərəkətlər - (VİDEO)

21-10-2017, 17:07 Qulaqcıq taxanlar üçün BÖYÜK TƏHLÜKƏ: “... şizofreniyanın başlanğıcıdır”

1-07-2017, 13:16 Azərbaycanlı qızları İran üzərindən Dubaya daşıyırlar

1-05-2016, 17:02 İraqda partlayış - 33 nəfər öldü

20-12-2021, 14:36 Tələbələrin, doktorantların və magistrantların təqaüdü artırıldı

14-02-2016, 23:51 Millət vəkili TƏRTƏRdə DƏHŞƏTƏ GƏLİB: - “İcra başçısı pis əməlləri ilə özündən əvvəlkinə rəhmət oxutdurur”