"Azərsu" ingilislərə cavab verdi: "Olar..."

"Azərsu" ingilislərə cavab verdi: "Olar..."
Tarix: 13-07-2016 | Saat: 21:57
Bölmə:Karusel / Gündəm | çapa göndər

“Azərsu” Açıq Səhmdar Cəmiyyəti Böyük Britaniyanın “Deyli Meyl” nəşrinin Azərbaycan əhalisinə verilən suyun insan sağlamlığı üçün təhlükəli olması barədə yazdığı xəbərə münasibət bildirib.

Qurumun mətbuat xidmətinin rəhbəri Anar Cəbrayıllı Trend-ə açıqlamasında bildirib ki, məlumat həqiqəti əks etdirmir: “İlk növbədə xəbərdə istinad olunan ekspertlərin kimliyi və bu qənaətə necə gəlmələri açıqlanmalıdır. Bu xəbərin Azərbaycanla bağlı hissəsi həqiqəti əks etdirmir və “Azərsu” ASC olaraq bəyan edirik ki, bu gün paytaxt Bakının yerləşdiyi Abşeron yarımadası daxil olmaqla Azərbaycanın əksər bölgələrində əhaliyə verilən içməli su qüvvədə olan standartlara uyğundur. Son illər yaradılmış yeni su mənbələrindən, tikilmiş sutəmizləyici qurğulardan (Ceyranbatan Ultrasüzgəcli sutəmizləyici qurğular kompleksi, Külüllü mənbəyi, Quba, Mingəçevir, Xanbulançay sutəmizləyici qurğuları) verilən içməli su Dünya Səhiyyə Təşkilatının standartlarına tam uyğundur. Yeri gəlmişkən, ötən ilin oktyabrında istismara verilmiş Ceyranbatan Ultrasüzgəcli sutəmizləyici qurğular kompleksi Abu Dabu şəhərində keçirilmiş Qlobal Su Sammitində 2015-ci ilin dünya su sənayesinin 4 önəmli layihəsindən biri seçilib”.

A.Cəbrayıllı bildirib ki, son dövrlər Azərbaycanın 43 şəhər və rayon mərkəzində su və kanalizasiya sistemlərinin yenidən qurulması layihələri icrası həyata keçirilib ki, artıq onların 23-də su təchizatı sistemlərinin yenidən qurulması başa çatıb, 10 şəhərə yeni mənbələrdən suyun verilməsinə başlanılıb. Bununla da həmin şəhərlərdə əhalinin keyfiyyətli içməli su ilə təminatına nail olunub:

“İçməli suyun mənbələrdən istehlakçıya çatdırılmasına qədər bütün mərhələlərdə onun keyfiyyət göstəriciləri daim nəzarətdə saxlanılır. Eyni zamanda, Səhiyyə Nazirliyi tərəfindən içməli suyun keyfiyyət göstəricilərinə dövlət nəzarəti həyata keçirilir. Bu gün paytaxt Bakı da daxil olmaqla əksər şəhərlərdə insanlar krandan gələn su ilə nəinki dişlərini fırçalayır, hətta onu içirlər”.

Xəbəri paylaş

1 1368 dəfə oxunub.

Digər xəbərlər

10-03-2016, 15:57 Azərbaycanda qadını döyüb öldürdülər

13-03-2017, 18:32 Mehriban Nurayla Müslüm Gürsesi nə birləşdirir? - Video

15-05-2022, 11:27 Bu tarixdə hava dəyişəcək: Yağış yağacaq, külək əsəcək

9-03-2016, 18:16 Şamaxıda çərşənbə tonqalında adam yandı

1-01-2017, 01:40 Prezident ailəsindən yeni il - Fotoları

31-08-2016, 10:27 Azərbaycanda DƏHŞƏTLİ OLAY: ölənlərin sayı 6-ya çatdı - SİYAHI - YENİLƏNİB

9-05-2021, 11:32 Çinin nəzarətdən çıxan raket daşıyıcısının hissəsi Hind okeanına düşdü

5-07-2021, 13:26 Baş vermiş vulkan güclü zəlzələ ocaqlarını oyadıb? - RƏSMİ CAVAB

31-03-2015, 18:30 Bu gün “Neftçi” klubu yeni rəhbərini seçib.