Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Nazirlər Kabinetindən “Məzun evi” ilə bağlı - QƏRAR
Tarix: 26-04-2015 | Saat: 14:22
Bölmə:Karusel / Gündəm / M2 | çapa göndər

Nazirlər Kabinetindən “Məzun evi” ilə bağlı - QƏRAR

Müəssisənin işçilərinin aylıq vəzifə maaşları müəyyənləşib.

Nazirlər Kabineti Əmək və Əhalinin Sosial Müdafiəsi Nazirliyi yanında Dövlət Sosial Təminat Xidmətinin nəzdində dövlət uşaq müəssisələrinin valideyn himayəsindən məhrum olmuş məzunları üçün “Məzun evi” Sosial Müəssisəsinin yaradılması və istismarı ilə bağlı məsələlər haqqında qərar verib.

Xeberaz.az -ın APA-ya istinadən məlumatına görə, qərara əsasən dövlət uşaq müəssisələrinin valideyn himayəsindən məhrum olmuş məzunları üçün Abşeron rayonunun Masazır qəsəbəsində istismarına icazə verilmiş, dövlət sosial təyinatlı mənzil fonduna aid olan çoxmənzilli yaşayış binası, binaya aid bütün infrastruktur qurğu və avadanlıqlar “Məzun evi” Sosial Müəssisəsinin balansına, onun yerləşdiyi torpaq sahəsi isə istifadəsinə verilib.

“Məzun evi” Sosial Müəssisəsinin saxlanılması üçün tələb olunan xərclər dövlət büdcəsinin mərkəzləşdirilmiş xərclərində Əmək və Əhalinin Sosial Müdafiəsi Nazirliyi yanında Dövlət Sosial Təminat Xidməti üçün nəzərdə tutulmuş vəsaitlər hesabına həyata keçiriləcək.

Nazirlik 1 ay müddətində Dövlət Sosial Təminat Xidmətinin nəzdindəki dövlət uşaq müəssisələrinin valideyn himayəsindən məhrum olmuş məzunları üçün “Məzun evi” Sosial Müəssisəsinin Nizamnaməsinin layihəsini hazırlayıb Nazirlər Kabinetinə təqdim etməli, dövlət uşaq müəssisələrinin valideyn himayəsindən məhrum olmuş məzunlarına “Məzun evi” Sosial Müəssisəsinin balansında olan binada yaşayış sahəsinin ayrılmasını təmin etməlidir. Təhsil Nazirliyi dövlət uşaq müəssisələrinin valideyn himayəsindən məhrum olmuş məzunları barədə siyahının hər tədris ilinin sonunda Əmək və Əhalinin Sosial Müdafiəsi Nazirliyinə təqdim olunmasını təmin etməlidir. Ədliyyə Nazirliyi, Əmək və Əhalinin Sosial Müdafiəsi Nazirliyi, Təhsil Nazirliyi, Əmlak Məsələləri Dövlət Komitəsi, Azərbaycan Respublikası Ərazilərinin Bərpası və Yenidən Qurulması üzrə Agentlik və Abşeron Rayon İcra Hakimiyyəti bu qərardan irəli gələn məsələləri həll etməlidir.

“Məzun evi” Sosial Müəssisəsinin işçilərinin aylıq vəzifə maaşları da müəyyənləşib.



3778 dəfə oxunub.

Digər xəbərlər
29-03-2015, 16:09 Günaydan yeni fotosessiya

bütün xəbərlər
____ Instagram ___