Fransa əməkdaşlığa hazırdır

Fransa əməkdaşlığa hazırdır - MEDEF
Tarix: 12-05-2016 | Saat: 20:03
Bölmə:Karusel / İqtisadiyyat / Dünya / M2 | çapa göndər

Şirift ölçüsü:

Mayın 12-də SOCAR-ın prezidenti Rövnəq Abdullayev Bakıda səfərdə olan Fransa Sahibkarlar Təşkilatının (MEDEF) nümayəndə heyətini qəbul edib.

"Xəbəraz.az " SOCAR-ın saytına istinadən xəbər verir ki, R.Abdullayev Azərbaycanda neft işinin qədim tarixindən və neft-qaz sənayesində qazanılan uğurlardan danışıb, ölkəmizin təşəbbüsü və rəhbərliyi ilə həyata keçirilən beynəlxalq və regional əhəmiyyətli enerji layihələri haqqında ətraflı məlumat verib. Fransa şirkətlərinin Azərbaycanda uğurla fəaliyyət göstərdiyini qeyd edən R.Abdullayev SOCAR ilə Fransa şirkətləri arasında uzunmüddətli, səmərəli əməkdaşlığın mövcudluğunu vurğulayıb, onların Azərbaycanda həyata keçirilən enerji layihələrində yer aldığını qeyd edib. O, "Abşeron" qaz-kondensat yatağının işlənilməsi üzrə Fransa şirkətləri ilə əməkdaşlığın uğurla davam etdiyini bildirib. Cənub Qaz Dəhlizinin Avropanın enerji təhlükəsizliyindəki əhəmiyyətindən danışan R.Abdullayev bu layihə üzrə də işlərin qrafikə uyğun şəkildə uğurla irəlilədiyini vurğulayıb. SOCAR prezidenti investisiya layihələri çərçivəsində Fransa bankları ilə səmərəli əməkdaşlığın qurulduğunu diqqətə çatdırıb.

MEDEF-in biznes şurasının prezidenti, SUEZ qrupunun baş direktorunun müavini xanım Mari-Anj Döbon səmimi qəbul üçün rəhbərlik etdiyi nümayəndə heyəti adından təşəkkürünü bildirib, Azərbaycana səfərdən məmnun olduqlarını qeyd edərək, ölkəmizdə gedən sürətli inkişaf prosesini böyük maraqla izlədiklərini deyib. O, nümayəndə heyətində 30 şirkətin təmsil olunduğunu, bugünkü görüşdə isə enerji sektoru nümayəndələrinin iştirak etdiyini nəzərə çatdırıb.

Azərbaycan Respublikasının Prezidenti cənab İlham Əliyev və bir sıra nazirlərlə keçirdikləri görüşlər haqqında təəssüratını bölüşən xanım M.Döbon Azərbaycan və Fransa dövlət başçıları arasında mütəmadi görüşlərin iki ölkə arasında münasibətlərin inkişafında xüsusi rol oynadığını vurğulayıb. Qonaq Fransa biznes dairələrinin Azərbaycanla əlaqələri daha da inkişaf etdirməyə, hazırda həyata keçirilən və gələcək üçün planlaşdırılan investisiya layihələrində iştiraka hazır olduqlarını bildirib.

MEDEF nümayəndə heyətinin başçısı Bakıda fəaliyyət göstərən Fransız Liseyi Təhsil Kompleksində olduqlarını, Fransa-Azərbaycan əməkdaşlığının məhsulu olan belə yüksək səviyyəli məktəbin ərsəyə gəlməsində və idarə olunmasında SOCAR-ın xüsusi rol oynadığını öyrəndiklərini deyib və buna görə SOCAR rəhbərliyinə təşəkkürünü bildirib.

Daha sonra qarşılıqlı maraq doğuran digər məsələlər ətrafında da fikir mübadiləsi aparılıb, görüşdə iştirak edən TOTAL E&P Europe & Central Asia Limited, ENGIE, SUEZ və başqa Fransa şirkətlərinin nümayəndələrini maraqlandıran suallar cavablandırılıb.

Xəbəri paylaş

7488 dəfə oxunub.

Digər xəbərlər

15-02-2016, 23:11 Keçmiş nazir maşınında partladıldı

8-05-2020, 01:22 Mixeil Saakaşvili Ukraynada vəzifəyə təyin olundu

12-11-2022, 12:03 Sabunçuda ər arvadını bıçaqlayaraq öldürdü

20-07-2022, 17:28 Nazirlikdən HƏYƏCAN TƏBİLİ: Vəziyyət pisləşməyə doğru gedir”

6-11-2018, 15:26 Sürücülük vəsiqəsinə görə yeni rüsum qüvvəyə mindi - Qiymət artırıldı

28-05-2019, 19:31 Azərbaycanda icra başçısı tətilə 1 milyon manat xərclədi -İDDİA

1-09-2016, 22:29 Uşağınız sizi təqlid edirsə, onunla belə davranın

5-11-2016, 12:04 “Neftçi” “İnter”ə qarşı, “Kəpəz” “Sumqayıt”ı qonaq edir

19-03-2021, 08:33 Türkiyədə bütöv bir kənd yanır - VİDEO