Ramil Usubov 335 nəfəri işə götürdü

Ramil Usubov 335 nəfəri işə götürdü
Tarix: 29-04-2016 | Saat: 20:02
Bölmə:Karusel / Siyasət / M2 | çapa göndər

Azərbaycan Respublikasının Prezidenti İlham Əliyevin tapşırığına əsasən, mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq, daxili işlər naziri Ramil Usubov aprelin 29-da Göyçay Rayon Polis Şöbəsində polis orqanlarının fəaliyyəti ilə bağlı məsələlərlə əlaqədar növbəti qəbul keçirib.

"Xəbəraz.az " Daxili İşlər Nazirliyinin mətbuat xidmətinə istinadən xəbər verir ki, qəbulda Göyçay, Mingəçevir, Ağsu, Şamaxı, İsmayıllı, Yevlax, Ucar, Kürdəmir, Ağdaş şəhər və rayonlarından qəbul üçün müraciət edən sakinlər iştirak ediblər.

Vətəndaşları şəxsən dinləyən nazir onları narahat edən problemlərin operativ şəkildə, mövcud qanunvericiliyə uyğun həlli üçün aidiyyəti Baş İdarə və xidmət rəislərinə konkret tapşırıqlar verib. Müraciətlərin böyük əksəriyyəti yerindəcə həllini tapıb.

Qəbuldan sonra kütləvi informasiya vasitələrində öncədən verilmiş elanlara uyğun olaraq, yuxarıda adları çəkilən şəhər və rayon polis orqanlarında vakant olan sıravi və kiçik rəis heyəti, həmçinin “İctimai asayişin qorunmasında vətəndaşların iştirakının təmin edilməsi barədə” Azərbaycan Respublikası Prezidentinin 2016-cı il 2 mart tarixli Fərmanının icrası çərçivəsində mülki işçi vəzifələrinə xidmətə qəbulla bağlı sıra baxışı keçirilib.

Sıra baxışında həmin şəhər və rayonlarda yaşayan, polisin sıravi və kiçik rəis heyəti vəzifələrində xidmət etmək istəyən 860 nəfər iştirak edib. Onların arasından daha hazırlıqlı olan 71-i polisin, 25 nəfəri Daxili Qoşunların sıralarında xidmətə, 239 gənc isə mülki işçi vəzifələrinə namizəd kimi seçilib. Həmin şəxslərin sənədlərin hazırlanması üçün aidiyyəti baş idarələrin rəhbərlərinə müvafiq göstəriş verilib.

Daxili işlər naziri namizədləri təbrik edərək onlara gələcək çətin və şərəfli xidmətlərində uğurlar arzulayıb, tapşırıq və tövsiyələrini verib.

Xəbəri paylaş

5988 dəfə oxunub.

Digər xəbərlər

15-11-2015, 15:50 Cinsi əlaqə zamanı TƏHLÜKƏ: Bu xəstəliklərə yoluxa bilərsiniz

18-08-2018, 19:38 Yasamalda yanğın - Xəsarət alan var

18-02-2016, 20:53 İlham Əliyev Gəncəyə 5 milyon manat ayırdı

29-03-2015, 14:36 Gəncədə şagird özünü 13-cü mərtəbədən atdı

19-01-2023, 11:01 "Əsas onun kişiliyidir" - Mina yenidən aşiq oldu? - VİDEO

18-10-2023, 10:31 Ətirli nəm salfetlərdən çox istifadə edənləri gözləyən TƏHLÜKƏ

8-10-2016, 14:17 ''Wikileaks''-dən Hillari Klintona zərbə - Məxfi məlumatlar yayıldı

1-10-2016, 12:27 Kredit almaq istəyən tələbələr üçün ikinci şans - ELAN

25-03-2016, 19:08 Türkiyədən terrorçulara cavab: 24 cəsəd