Yanan bina, həbs müddəti uzadıldı

Yanan bina, həbs müddəti uzadıldı
Tarix: 07-03-2016 | Saat: 12:53
Bölmə:Karusel / M2 | çapa göndər

Cinayət Məcəlləsinin 225.2-ci və 308.2-ci maddələri ilə cinayət işi açılıb

Bakının Binəqədi rayonunda yaşayış binasında yanğın baş verməsi ilə bağlı saxlanılan şəxslərin barəsində seçilmiş həbs-qətimkan tədbirinin müddəti uzadılıb.

APA-nın məlumatına görə, Nəsimi Rayon Məhkəməsində istintaq orqanın verdiyi vəsatətə baxılıb.

Məhkəmə təqsirləndirilən şəxslərin barələrində seçilmiş həbs-qətimkan tədbirinin müddətinin iyunun 19-dək uzadılması barədə qərar qəbul edib.

Baş Prokurorluğun hadisə ilə bağlı yaydığı məlumata görə, ötən il mayın 19-da paytaxtın Binəqədi rayonu ərazisində çoxmərtəbəli yaşayış binasında ağır nəticələrə səbəb olmuş yanğın hadisəsi ilə bağlı Cinayət Məcəlləsinin müvafiq maddələri ilə cinayət işi başlanıb.

Qulluq mənafeləri tələb etdiyi halda səlahiyyətlərindən istifadə etməmələri nəticəsində vətəndaşların, dövlətin hüquqlarına və qanunla qorunan mənafelərinə mühüm zərər vurmalarında kifayət qədər əsaslar olduğundan binaların üzlənməsində istifadə olunan “poliuretan” məmulatını istehsal edən “Qlobal Stone” MMC-nin baş direktoru Uğur Bəşirov, “Global Construction” MMC-nin sədr müavini Ələkbər Əsgərov, 2012-2013-cü illərdə Binəqədi rayon mənzil-kommunal təsərrüfat birliyinin rəisi işləmiş rayon icra hakimiyyətinin təsərrüfat şöbəsinin müdiri Ədalət Rəcəbov, Binəqədi rayonu, 72 saylı mənzil-kommunal istismar sahəsinin rəisi Nizami Orucov və binanın poliuretan materialla üzlənməsi işlərinə nəzarət funksiyalarını həyata keçirməli olan, 2012-2013-cü illərdə Binəqədi rayon İcra Hakimiyyəti başçısının birinci müavini işləmiş Qəzənfər Novruzov Cinayət Məcəlləsinin 225.2-ci (ehtiyatsızlıqdan zərərçəkmiş şəxsin ölümünə və digər ağır nəticələrə səbəb olan yanğın təhlükəsizliyi qaydalarını pozma) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə təqsirləndirilən şəxs qismində cəlb edilərək barələrində məhkəmənin qərarları ilə 4 ay müddətinə həbs qətimkan tədbiri seçilib. Həmin müddət bir neçə dəfə artırılıb.

Yanğın nəticəsində 15 nəfər ölüb, 50 nəfər xəsarət alıb
(APA)

Xəbəri paylaş

6148 dəfə oxunub.

Digər xəbərlər

9-05-2023, 11:06 Öldürülən həkimin ərinin xəyanət videosunu kim yayıb? - Türkanın valideynlərindən açıqlama

27-09-2015, 13:06 İnşaat işçilərinin qazancı artıb

27-12-2019, 16:18 Brüs Linin qızı məşhur “fastfood” şəbəkəsini məhkəməyə verdi

18-01-2018, 12:46 20 Yanvar Şəhidləri yad edildi

9-09-2016, 22:42 Toyda anasının ölüm xəbərini eşidən sürücü qəza törətdi - VİDEO

9-05-2022, 12:31 Nəyə görə çinlilər səhər əlləri üstə gəzirlər? – Parklarda qəribə idmanın sirri

30-01-2019, 15:40 Füzulidə baş verən dəhşətli qətlin təfərrüatı-"Meyiti ilə cinsi əlaqəyə girib"

18-12-2016, 17:01 Forbes Bakı-Tbilisi-Qars dəmir yolundan yazdı

22-05-2016, 17:51 Binəli Yıldırım rəsmən AKP sədri seçildi - Yeniləndi