Lənkəranda sevgilisini bıçaqlamaqda ittiham olunan 1995-ci il təvəllüdlü Sevil Əsədovanın (ad və soyadlar şərti verilib - red.) cinayət işi üzrə məhkəmə prosesi başa çatıb.
Sevil Əsədova həmkəndlisi Faiq Balayevin aralarında olan sevgi və intim münasibətlər barədə başqa şəxslərə məlumat yaymasından şübhələnib. Bu səbəbdən ona ağır xəsarət yetirmək qərarına gəlib.
Sevil Əsədova 6 sentyabr 2019-cu ildə, saat 22 radələrində Faiq Balayevin yaşadığı Lənkəran rayonu Ləj kəndində fərdi yaşayış evinin otağında görüşərkən aralarındakı münasibətlər barədə digər şəxslərə məlumat verdiyi üçün ona etirazını bildirib.
Sevil Əsədova əvvəlcə yanında olan bıçaqla Faiqə bir dəfə, Faiq yataqdan durub otağın qapısını açmaq istəyərkən arxadan daha iki zərbə endirib.
Yaralıya xəstəxanada vaxtında tibbi yardım göstərildiyi üçün həyatını xilas etmək mümkün olub.
İstintaq orqanı tərəfindən Sevil Əsədova barəsində Cinayət Məcəlləsinin 126.1-ci (qəsdən sağlamlığa ağır zərərvurma) maddəsi ilə ittiham elan edilib.
Lənkəran Ağır Cinayətlər Məhkəməsinin hökmü ilə Sevil Əsədovaya 3 il müddətə azadlığın məhdudlaşdırılması cəzası təyin edilib.
Hökmdən narazı qalan zərərçəkmiş Faiq Balayev apelyasiya şikayəti verib. O, şikayətində göstərib ki, Sevil Əsədovaya təyin olunmuş cəza ilə razı deyil. Qeyd edib ki, Sevil Əsədovanın məqsədi onu öldürmək olub.
Şirvan Apelyasiya Məhkəməsinin qərarı ilə zərərçəkmiş Faiq Balayevin şikayəti qismən təmin olunub və birinci instansiya məhkəməsinin hökmü dəyişdirilib.
Sevil Əsədova barəsində təyin olunmuş 3 il müddətə azadlığın məhdudlaşdırılması cəzası 1 il 6 ay müddətinə azadlıqdan məhrumetmə cəzası ilə əvəz edilib. Cəzanın ümumi rejimdə çəkilməsi müəyyən edilib.
Sevil Əsədovanın barəsində həbs qətimkan tədbiri seçilib və cəzasının əvvəli 22 oktyabr 2020-ci il tarixdən hesablanması qərara alınıb.
Lənkəranda qız sevgilisini yataqda bıçaqladı - SƏBƏB
Tarix: 26-07-2021 | Saat: 15:06
Bölmə:Karusel / Hadisə | çapa göndər
Xəbəri paylaş
5488 dəfə oxunub.
Digər xəbərlər
Tarix: 26-07-2021 | Saat: 15:06
Bölmə:Karusel / Hadisə | çapa göndər
Xəbəri paylaş
Digər xəbərlər
26-11-2016, 21:29
Evin havasını dəm qazı və siqaret tüstüsündən təmizləyən bitkilər
13-04-2018, 11:35
Sabiq MTN polkovnikinə hökm oxunub
21-11-2016, 13:28
Kim güzəştli mənzil ala biləcək? - Müsahibə
28-10-2020, 13:08
“Sona qədər Azərbaycanın yanındayıq” - Hulusi Akar
18-05-2018, 21:48
Natiq Əliyevin oğlundan villanın sökülməsi xəbərinə - REAKSİYA
8-09-2016, 15:26
Azərbaycanlı prodüser özünə bəysiz özəl gün keçirtdi. - FOTO
22-03-2018, 11:32
Xızıda 5 yaşlı uşağın üstünə qaynar su tökülüb