Xəritə gerçəyi: gürcülər bizi təhqir etdi, yoxsa?..

Xəritə gerçəyi: gürcülər bizi təhqir etdi, yoxsa?.. - Foto
Tarix: 22-06-2018 | Saat: 16:01
Bölmə:M / Karusel / Siyasət / Foto-fakt | çapa göndər

Şirift ölçüsü:

Bir müddət əvvəl yerli mətbuatda Gürcüstanda satılan fincanın üzərindəki xəritədə orada yaşayan həmyerlilərimizin təhqir olunması haqda xəbərlər yayılmışdı. Sözügedən xəritədə eşşək təsviri olan hissənin azərbaycanlılar yaşayan ərazi olduğu iddia edilmişdi.
Kult.az xəbər verir ki, Gürcüstanın Rustavi şəhərində yaşayan şair-publisist Tapdıq Yolçu məsələ ilə bağlı araşdırma aparıb. Saytımıza ünvanlandığı məktubda T.Yolçu vurğulayıb ki, xəritədə eşşək rəsmi Gürcüstanın Kaxet bölgəsi üzərində verilib və bunun soydaşlarımızın kompakt yaşadığı Borçalı (Kvemo Kartli) bölgəsinə heç bir aidiyyəti yoxdur.
Kaxet bölgəsi üzərində eşşək rəsminin verilməsinin səbəbi haqda isə Tapdıq Yolçu bildirib ki, Gürcüstanın Kaxet bölgəsinin sakinləri xalq arasında eşşəklə (əlbəttə, zarafatla!) çox assosiasiya olunmaqdadır və bununla əlaqəli çoxlu sayda lətifə də mövcuddur:
“Nümunə üçün birini yazıram: Kaxetli evləndi və səhəri gün onun eşşəyi intihar elədi”.
T.Yolçu Gürcüstanın siyasi xəritəsi ilə fincan üzərindəki rəsmi müqayisə də edib:
“Bu xəritəyə diqqətlə baxın, Kvemo Kartli – soydaşlarımızın kompakt yaşadığı Borçalı bölgəsi haradadır, Kaxeti harada?!
Əslinə qalsa, həmin kollajın müəllifi burada kaxetlilərə qarşı çox böyük səhvə, haqsızlığa yol verib. Belə ki, Gürcüstanın bu bölgəsi ölkəni dünya arealında daha gözəl tanıdan məşhur gürcü şərabının xammal mənbəyi, üzüm plantasiyaları və onu layiqincə becərib ərsəyə gətirən zəhmətkeş insanları ilə məşhurdur. Odur ki, həmin xəritədə Kaxet bölgəsinin rəmzi rəsmi, ən azı, şərab çəlləyi olmalı idi”.
Araşdırmanın müəllifi əsrlərdir qonşuluq münasibətlərində yaşayan iki dost xalq – azərbaycanlılar və gürcülər arasına nifaq toxumu səpməyin yolverilməz olduğunu bildirib.
Qeyd edək ki, tarixçi alim, siyasi elmlər üzrə fəlsəfə doktoru Zaur Əliyev sosial şəbəkədəki hesabında Gürcüstanda satılan fincanın üzərindəki xəritədə orada yaşayan həmyerlilərimiz təhqir olunduğunu iddia etmişdi. O bildirmişdi ki, həmyerlilərimizin yaşadığı əraziyə eşşək şəkli çəkilib və başının üstündə yekəqarın gürcü kişisi yumruğunu sıxıb, eşşək isə müti halda başını aşağı salıb.

Xəbəri paylaş

9458 dəfə oxunub.

Digər xəbərlər

3-11-2015, 15:23 Azərbaycanda iki qadın faciəvi şəkildə öldü

22-01-2016, 13:23 Bu sevişmə səhnəsi "Muhteşem Yüzyıl Kösem"ə damğa vurdu (VİDEO)

23-01-2017, 19:09 Prezidentdən məcburi köçkünlərlə bağlı VACİB FƏRMAN

24-08-2017, 17:38 Prezident: ““Qarabağ”ın qələbəsi təkcə idman qələbəsi deyil, bunun böyük mənası var”

18-01-2016, 17:38 Azərbaycan prezidenti: Manata etimad bərpa olunmalıdır

12-10-2017, 10:19 Buffon idman naziri olacaq?

1-09-2022, 11:46 Göyçayda direktor ilk iş günü məktəbdən qovuldu - QALMAQAL

24-02-2017, 14:55 Türkiyə: “Suriyadan çıxacağıq”

29-05-2017, 12:06 Yol polisi "hacı pivəsi" içən sürücünü "sərxoş" tutdu - Bakıda şok olay