Tovuzda odunun içində partlamamış güllə evi külə döndərdi
27-03-2015, 11:01. Yazar: Xeberaz
Yaralıların vəziyyəti ağırdır.
Tovuzda fərdi yaşayış evində partlayış baş verib.
Xeberaz.az APA-ya istinadən xəbər verir ki, hadisə ötən axşam rayonun Ermənistanla sərhəddə yerləşən Əlibəyli kəndində Şirinovlar ailəsinə məxsus evdə qeydə alınıb.
Ev sahibi, 1964-cü il təvəllüdlü Atlaz Mehvalı qızı Şirinova meşədən qış üçün tədarük edilən odunu evə gətirib.
Odunun içində partlamamış güllə olub. Odun sobaya atılan zaman güclü partlayış baş verib. Nəticədə qadın müxtəlif bədən xəsarətləri alıb. Partlayış zamanı A.Şirinovanın həyat yoldaşı, 1960-cı il təvəllüdlü Vahid Tapdıq oğlu Şirinov da qəlpə yarası alıb.
Yaralılar dərhal Tovuz Mərkəzi rayon xəstəxanasına çatdırılıb. Onların vəziyyətinin orta ağır olduğu bildirilir.
Geri dön