Ana Sayfa > Hadisə > Şəkidə avtomobili yol kənarındakı səkiyə çırpıldı İki nəfər öldü
Şəkidə avtomobili yol kənarındakı səkiyə çırpıldı İki nəfər öldü20-04-2015, 14:08. Yazar: Xeberaz |
Faktla bağlı araşdırma aparılır. Azərbaycanın Şəki rayonunda iki nəfərin ölümü ilə nəticələnən yol-nəqliyyat hadisəsi baş verib. Fövqəladə Hallar Nazirliyindən Xeberaz.az -a verilən məlumata görə, Şəki rayonu, İnçə kəndində (rayon mərkəzindən 15 km aralı) “VAZ” markalı minik avtomobili yol kənarındakı səkiyə çırpılıb. Nəticədə avtomobilin sahibi 1989-cu il təvəllüdlü Züliyev Orxan Yunis oğlu aldığı bədən xəsarətlərindən hadisə yerində vəfat edib. Onun meyiti yanğınsöndürən-xilasedicilər tərəfindən müxtəlif kəsici alətlərdən istifadə olunmaqla avtomobildən çıxarılaraq aidiyyəti üzrə təhvil verilib. Avtomobildə olan sürücü Dəyanət Fəxrəddin oğlu Mustafayev xəstəxanaya aparılarkən yolda keçinib. Əməliyyat saat 04:01-də başa çatmışdır. Qeyd edək ki, avtomobil Orxan Züliyevə məxsus olsa da, hadisə zamanı maşını Dəyanət Mustafayev idarə edib. Faktla bağlı araşdırma aparılır. Geri dön |