Bakıda polisi yandıraraq basdırdılar
18-04-2015, 21:19. Yazar: Xeberaz
1988-ci il təvəllüdlü Muxtar Kazımzadə.
Bakıda dəniz kənarında yanmış kişi meyiti tapılıb.
Xeberaz.az xəbər verir ki, Xətai Rayon Polis İdarəsinin 36-cı Polis Bölməsindən APA-ya verilən məlumata görə, bu barədə polisə məlumat daxil olan kimi hadisə yerinə polis və prokurorluq əməkdaşlarından ibarət əməliyyat-istintaq qrupu çıxıb.
Araşdırmalar zamanı yanmış meyiti tapılan şəxsin İmişli rayon Polis Şöbəsinin əməkdaşı polis serjantı, 1988-ci il təvəllüdlü Muxtar Kazımzadə olması müəyyən edilib.
Hadisənin qətl olub-olmaması üzərində araşdırmalara başlanılıb. Polis əməkdaşının yandırılaraq qətlə yetirilməsi də istisna edilmir.
Faktla bağlı cinayət işi başlanılıb, istintaq tədbirləri davam etdirilir.
Geri dön