Bu gün ABŞ-da törədilmiş dəhşətli terror aktlarının ildönümüdür.
2001-ci il sentyabrın 11-də ABŞ-da dünya tarixində misli görünməmiş terror aktları baş verib. Faciə nəticəsində təxminən 3 min insan həlak olub.
Rəsmi məlumatlarda bildirilir ki, 2001-ci il sentyabrın 11-də səhər saatlarında “Boeing 767” tipli iki təyyarə Ümumdünya Ticarət Mərkəzinin Nyu-York şəhərindəki 110 mərtəbəli qoşa binalarına, “Boeing 757” tipli üçüncü təyyarə isə Vaşinqtonda yerləşən ABŞ Müdafiə Nazirliyinin (Pentaqon) binasına çırpılıb.
“Boeing 757” tipli dördüncü təyyarə isə Pitsburq şəhərindən 80 mil məsafədə yerə düşüb. “American Airlines” və “United Airlines” aviaşirkətlərinə məxsus həmin təyyarələrin terrorçu-kamikadzelər tərəfindən qaçırıldığı bildirilir.
Terror aktı nəticəsində Nyu-York şəhərinə dəyən zərərin ümumi həcminin 36 milyard dollar olduğu açıqlanıb.
Hadisənin araşdırılması ilə ABŞ-a terror hücumları üzrə milli komissiya məşğul olub. Təhqiqatın nəticələrinə dair 2004-cü ildə dərc edilən məruzədə bildirilir ki, terror aktının qarşısının alınmasına ABŞ-ın kəşfiyyat xidmətlərinin fəaliyyətində koordinasiyanın olmaması əngəl törədib. Bir müddət sonra ABŞ Prezidenti Corc Buş kəşfiyyat xidmətlərində islahatlar aparılması barədə sərəncam imzalayıb.
Sentyabr hadisələri terrorla mübarizədə beynəlxalq fəallığı gücləndirib. 2001-ci ilin oktyabrında ABŞ və Böyük Britaniya Əfqanıstanda hərbi əməliyyatlara başlayıb. Əməliyyatlar 11 sentyabr terror aktlarında ittiham olunan “Əl-Qaidə” təşkilatına və onları dəstəkləyən “Taliban” hərəkatına qarşı yönəlib.
11 sentyabr hadisələri ilə əlaqədar bu gün ABŞ-da “Vətənpərvərlik günü” və “Dualar günü” kimi qeyd olunur. Bütün ölkə ərazisində matəm tədbirləri və yerli hökumət, ictimai assosiasiyalar, universitet və məktəblər tərəfindən memorial konsertlər təşkil edilir. Bütün federal binalarda dövlət bayraqları endirilir.
Terror aktının onuncu ildönümündə - 2011-ci ildə “Əkiz” qüllələrin yerində hadisə qurbanlarının adlarının həkk edildiyi memorial kompleksin açılışı olub.
2014-cü ilin mayında ABŞ-da 11 sentyabr hadisələrinə həsr olunmuş muzeyi fəaliyyətə başlayıb. Muzeyin əsas hissəsi yer səthindən 20 metr dərinlikdə yerləşir. Ekspozisiyada, əsasən insanların qaçaraq xilas olmağa çalışdıqları beton pilləkən, dağılan binanın polad karkasının fraqmentləri, dağıntılar altında qalaraq əzilmiş yanğınsöndürən maşın və terror aktı qurbanlarının şəxsi əşyaları nümayiş olunur.
Qeyd edək ki, 11 sentyabr hadisələrindən sonra Əfqanıstana girən ABŞ və koalisiya qüvvələri 2021-ci il avqustun 31-də ölkəni tərk edib.
“Taliban” yenidən Əfqanıstanda hakimiyyətə gəlib.
11 sentyabr terror aktlarından 20 il ötür
Tarix: 11-09-2021 | Saat: 11:23
Bölmə:Gündəm / Hadisə / Dünya | çapa göndər
Xəbəri paylaş
2728 dəfə oxunub.
Digər xəbərlər
Tarix: 11-09-2021 | Saat: 11:23
Bölmə:Gündəm / Hadisə / Dünya | çapa göndər
Xəbəri paylaş
Digər xəbərlər
4-04-2017, 11:06
AZƏRBAYCANDA FACİƏ: Babasının evində yanaraq öldü
22-07-2016, 15:29
Daha hansı banklar bağlanacaq? – Rəsmi
20-09-2016, 23:50
Boşanmaq istəmirsinizsə, bu yazını OXUYUN
30-05-2023, 21:02
Sağlam dişlər sağlamlığın güzgüsüdür-Dr.Anar Şahmarlı
18-05-2022, 17:48
Güclü külək əsəcək, rayonlarda yağış yağacaq - Xəbərdarlıq
4-06-2016, 03:31
Balakəndə 22 yaşlı gənc özünü bıçaqladı
27-07-2017, 17:19
Bakıda sərnişin avtobusa velosipedlə mindi - Qalmaqal yaşandı - VİDEO
14-04-2018, 11:39
Ərinin məşuqəsi onu niyə öldürdü? - Eyni evdə qalırlarmış....
11-11-2016, 11:03
Pop dünyasının nəhəng siması öldü
14-06-2017, 12:14
Gəncədə yol qəzası: yaşlı kişi motosikletin altında qaldı (VİDEO)