Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
7 yaşlı övladı öldürülən qadın: "Qatilin ya başı kəsilsin, ya güllələnsin" - ŞOK SÖZLƏR - YENİLƏNİB
Tarix: 29-03-2017 | Saat: 16:09
Bölmə:Filmlər / Hadisə / Xəbəraz TV | çapa göndər

7 yaşlı övladı öldürülən qadın: "Qatilin ya başı kəsilsin, ya güllələnsin" - ŞOK SÖZLƏR - YENİLƏNİB

Sabirabadın Ulucalı kəndində törədilmiş dəhşətli qətlin bəzi təfərrüatları məlum olub. APA TV-nin Mil-Muğan bürosunun məlumatına görə, kənd sakini, 30 yaşlı Röyal Şakir oğlu Məmmədov 7 yaşlı oğlunu xüsusi amansızlıqla qətlə yetirib. Qatil ata əvvəllər oğurluq üstə məhkum olub, iki il əvvəl həbsxanadan azadlığa çıxıb. Onun narkotik maddə aludəçisi olduğu bildirilir.

Röyal Məmmədovun həyat yoldaşı ilə daim münaqişəsi olurmuş. O arvadı və qayınanasından onlara məxsus pay torpaqları satmağı, pulu isə ona verməyi tələb edirmiş. Qayınanası deyir ki, qatil ata pul üstündə qızını öldürmək istəyib:

"Mənə dedi ki, çöl torpağı sat. Dedim ki, satmıram. Onda dedi, mən oturum evdə, sən təndirdə çörək bişir, mən aparım satım, oturum yeyim-içim evdə. Sən isə zülm çək. Həyətimin çardağını satıb. Həyətimdəki boruları satıb, damımın qapısını satıb. Oturub evdə işləmir, eləmir. Ancaq deyir, sən işlə, gətir, satım sovurum, yeyim. Elə şeylərin üstündə götürdü bıçağı, uşağımı qatdı qabağına. Uşağım getdi, girdi evin altına qorxusundan. Bax, bu uşaqlar onundur. Bunları sonradan gəldi apardı. O birisini keçirdi əlinə. Dedi, gedək ananı götürək gələk. Aldatdı apardı. Aparıb orada öldürüb, meyitini gətiriblər".

Röyal Məmmədov həyat yoldaşı ilə daim münaqişədə olub. Növbəti dəfə aralarında yaranan mübahisə zamanı bıçağa əl atan Röyal arvadının başını kəsməklə hədələyib. Günel Məmmədova qorxusundan qaçıb evin zirzəmisində gizlənib. Bu zaman Röyal 7 yaşlı oğlunu aldadaraq deyib ki, gedək səni ananın yanına aparıram.

Günel Məmmədova həyat yoldaşının həbsxanadan "aylığa" çıxdığını, pul vermədiyinə görə onun qisasını oğlundan aldığını deyib:

"Başqa adamın yanına gedirdi. Söz-söhbətlər ondan idi. Ondan bundan pul alıb bütün kəndin zibilinin dalınca gedirdi. Narkomandır. Dədəsi də narkomandır. Qardaşı da narkomandır. Dünən çıxarıblar azadlığa. Hər ay pul ödəyirlər. Dədəsinin, anasının, qardaşının, hamısının əli var. Dəfələrlə zəng edib məni döydürüblər. Uşağı götürüb qaçıb. O biri uşağımı qaçırıb gizlədib. Qonşu gətirib ki, uşaq yoldadır. İndi də böyüyü apardı. Məni bıçaqla qabağına qatdı. Mən qaçdım gizləndim. Bilmədim ki, balamı aparıb öldürəcək. Bilsəydim, özüm ölərdim. O insanın başının kəsilməyini istəyirəm. Ya da güllələnsin. Yoxsa əl çəkməyəcəyəm ondan. Qana qan! Uşağım ölüb, o da ölsün".

Qeyd edək ki, Röyal Məmmədov ona pul verməyən arvadının qisasını 7 yaşlı oğlu Röyamidən almaq istəyib, oğlunu fəaliyyətdə olmayan köhnə kənd yeməkxanasına aparıb və tikilinin zirzəmisində uşağın başına 6 çəkic zərbəsi vuraraq onu amansızlıqla qətlə yetirib.

Bu, 30 yaşlı Röyal Məmmədovun ikinci evliliyidir. Onun ikinci nikahdan 3 uşağı olub. Öldürdüyü Röyami ailənin böyük oğludur və bu il birinci sinfə gedirmiş.

Artıq qətli törədən şəxs polis tərəfindən saxlanılıb. Faktla bağlı Sabirabad rayon Prokurorluğunda cinayət işi başlanıb, araşdırma aparılır.


*****

11:38

Dünən axşam saatlarında Sabirabad rayonunun Ulacalı kəndində 7 yaşlı oğlunu xüsusi amansızlıqlıa öldürən 27 yaşlı Məmmədov Röyal Şakir oğlunun əvvəllər hansı cinayətlərə görə məhkum edildiyi məlum olub. Lent.az-ın hüquq-mühafizə orqanlarından əldə etdiyi məlumata görə, övladının başına çəkiclə zərbələr endirərək onu vəhşicəsinə öldürən Röyal Məmmədov əvvəllər oğurluq etdiyinə və hərbi xidmətdə olarkən postu qoyub silahı ilə birgə qaçdığına görə məhkum edilibmiş.

O, Cinayət Məcəlləsinin ümumilikdə 4 maddəsi ilə - 177.1 (Oğurluq), 228 (Qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə), 338.1 (Döyüş növbəsi çəkmə qaydalarını pozma, Azərbaycan Respublikasına qəfil hücumun vaxtında aşkara çıxarılması və dəf olunması üzrə, yaxud onun təhlükəsizliyinin təmin edilməsi üzrə döyüş növbəsi (döyüş xidməti) çəkmə qaydalarını pozma, əgər bu əməllər dövlətin təhlükəsizlik mənafelərinə zərər vura bilərdisə) və 349.1 (Hərbi əmlakı qəsdən məhv etmə və ya zədələmə, silahı, döyüş sursatını, hərbi texnikanı və ya sair hərbi əmlakı qəsdən məhv etmə və ya zədələmə, digər cinayətin əlamətləri olmadıqda) təqsirli bilinərək həbs edilib və bu ilin yanvar ayında həbsdən çıxıb.

Məlum cinayətlə bağlı araşdırmalar davam etdirilir, R.Məmmədov tutularaq istintaqa təhvil verilib.


*****

02:28

Sabirabadda ata çəkiclə 7 yaşlı oğlunu amansızlıqla öldürüb.

APA-nın Mil-Muğan bürosunun məlumatına görə, qətl hadisəsi Sabirabad rayonunun Ulacalı kəndində qeydə alınıb. Həmin kəndin sakini, 1990-cı il təvəllüdlü Röyal Şakir oğlu Məmmədov 7 yaşlı (2010-cu il təvəllüdlü) oğlu – Röyamini xüsusi amansızlıqla qətlə yetirib.

Yenicə məhkumluqdan qayıdan R.Məmmədov həyat yoldaşına uşağın atasının başqa adam olduğunu iddia edib. Aralarında mübahisə yaranıb. Röyal həyat yoldaşını öldürmək istəsə də o, ərinin əlindən qurtularaq qaça bilib. Arvadının qisasını oğlundan almaq istəyən ər onu fəaliyyətdə olmayan köhnə kənd yeməkxanasına aparıb və yeməkxananın zirzəmisində uşağın başına 6 çəkic zərbəsi vuraraq onu amansızlıqla qətlə yetirib.

Röyal Məmmədov və həyat yoldaşı polis tərəfindən saxlanılıb.

Faktla bağlı Sabirabad rayon prokurorluğunda cinayət işi başlanıb, araşdırma aparılır.


***** 00.13

Sabirabadda dəhşətli qətl törədilib. APA-nın Mil-Muğan bürosunun məlumatına görə, qətl hadisəsi Sabirabad rayonunun Ulacalı kəndində qeydə alınıb. Həmin kəndin sakini, 1987-ci il təvəllüdlü Röyal Şakir oğlu Məmmədov 7 yaşlı oğlunu baş nahiyəsindən çəkiclə vuraraq qətlə yetirib.

Röyal Məmmədov polis tərəfindən saxlanılıb.

Faktla bağlı Sabirabad rayon prokurorluğunda cinayət işi başlanıb, araşdırma aparılır.



Xəbəri paylaş

7878 dəfə oxunub.

Digər xəbərlər
bütün xəbərlər
____ Instagram ___