Bakıda kriminal hesablaşma - Dünya çempionu öldürüldü - YENİLƏNİB 2
15-03-2022, 01:11. Yazar: Xeberaz
Bakıda kriminal avtoritet “Emin 444” ləqəbli Emin Səfərovun qətlində ittiham olunan, amma məhkəmədə bəraət alaraq azadlığa çıxan Zaur Yusifov öldürülüb."Xeberaz.Az" xəbər verir ki, “Qafqazinfo”nun əldə etdiyi məlumata görə, hadisə təxminən bir saat əvvəl baş verib.
Paytaxtın Nəsimi rayonu 6-ci mikrorayon ərazisində Zaur Yusifov naməlum şəxs və ya şəxslər tərəfindən “Vinçester” markalı silahla güllələnərək qətlə yetirilib.
Z.Yusifovun vəkili Ceyhun Yusifov məlumatı təsdiqləyib.
Qətli törədən şəxsin müəyyən edilərək tutulması istiqamətində əməliyyat-axtarış tədbirləri davam etdirilir.
Fotoda “Emin 444” ləqəbli Emin Səfərov
Qeyd edək ki, 2020-ci il mayın 9-da Binəqədi rayonu ərazisində 1995-ci il təvəllüdlü Həsən Tağıyev 1988-ci il təvəllüdlü Emin Səfərovu avtomobilində çoxsaylı bıçaq xəsarətləri ilə qətlə yetirib. İstintaq zamanı 1984-cü il təvəllüdlü Zaur Yusifov da tutulub. Kikboks üzrə dünya çempionu Zaur Yusifov Emin Səfərovun qətlini sifariş etməkdə ittiham edilirdi.
2021-ci il oktyabrın 8-də Zaur Yusifov Bakı Ağır Cinayətlər Məhkəməsinin hökmü ilə bəraət alaraq məhkəmə zalından azadlığa buraxılmışdı.
***
00:25
Bakupost-un əldə etdiyi məlumata görə, dünya çempionunu 5 güllə ilə qətlə yetiriblər. Həmin vaxt Z.Yusifovun atası da yanında olub. O da bir güllə yarası alıb və dərhal xəstəxanaya yerləşdirilib.
***
00:37
Bu gün - 15 martda Z. Yusifovun məhkəmə prosesi keçiriləcəkmiş. Onu məhkəməyə “Emin 444” ləqəbli Emin Səfərovun anası verib. Məhkəmə iddiasında Z.Yusifovun azadlığa verilməsi ilə bağlı qərarın qanunsuz olduğu iddia olunur.
Geri dön