Ana Sayfa > Bütün xəbərlər / Karusel / Gündəm / Hadisə / Foto-fakt / Araşdırma > Bərdədə narkotacir həbs edildi

Bərdədə narkotacir həbs edildi


8-02-2022, 10:33. Yazar: Xeberaz
Bərdədə narkotacir həbs edildi

Bərdədə narkotik vasitələrin qanunsuz dövriyyəsində şübhəli bilinən şəxs həbs edilib.
Bu barədə "Xeberaz.Az"-a Daxili İşlər Nazirliyinin Mətbuat Xidmətinin Bərdə regional qrupundan məlumat verilib.
Bildirilib ki, Bərdə Rayon Polis Şöbəsinin (RPŞ) əməkdaşları tərəfindən keçirilən tədbirlər nəticəsində narkotik vasitələrin qanunsuz dövriyyəsində şübhəli bilinən şəxs müəyyən edilib.
Daxil olan məlumat əsasında polis əməkdaşlarının keçirdiyi əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən 588 saylı qəsəbədə yaşayan Elvin Sadıqov saxlanılıb.
Onun üzərinə baxış keçirilən zaman müxtəlif qablaşdırmalarda metamfetamin, heroin, tiryək və marixuana aşkar edilərək götürülüb.
Faktla bağlı Bərdə RPŞ-də cinayət işi başlanılıb, məhkəmənin qərarı ilə E.Sadıqov barəsində dörd ay müddətinə həbs qətimkan tədbiri seçilib.

Geri dön