"Xəbəraz.Az"xəbər verir ki, kənd sakinlərinin etirazına səbəb Goranboy rayonunda olan örüş torpaqlarının əllərindən alınmasıdır. Sakinlər 20 ilə yaxındır ki, həmin torpaqlarda icarə müqaviləsi ilə mal-qarasını saxlayıb. Lakin Goranboy Rayon İcra Hakimiyyətinin başçısı Məhərrəm Quliyev müqaviləni yeniləmək istəmir. İcra baççısı tərəfindən örüş torpaqlarının əllərindən alınmasına etiraz edən sakinlər ölkə başçısından kömək istəyirlər. Sakinlər deyir ki, icarə müqaviləsinin yenilənməsinə görə dəfələrlə məhkəməyə müraciət ediblər, məhkəmə onların lehinə qərar verib. Sakinlər Məhərrəm Quliyevin xanlığına son qoyulmasını, örüş torpaqlarında onlara problem yaradılmamasını tələb ediblər.