Öldüyü iddia olunan Kim Çen In sağ imiş (FOTOLAR)
2-05-2020, 10:51. Yazar: Xeberaz
Şimali Koreyanın KCNA rəsmi xəbər agentliyində, son həftələrdə ölü olduğu söylənən Şimali Koreya prezidenti Kim Çen Inın iştirakı ilə gübrə fabrikinin açılışı zamanı çəkilmiş fotoşəkilləri dərc olunub.
"Xeberaz.Az" xarici mətbuata istinadən xəbər verir ki, şəkillər mayın 1-də, Pxenyan yaxınlığındakı Sunçxon şəhərində baş tutan gübrə zavodunun tikintisinin başa çatdırılması mərasimində çəkilib.
Fabrikinin açılışında, Şimali Koreya lideri Kim Çen In, kiçik bacısı Kim Yo-jong və Şimali Koreyanın rəhbər işçilərinin iştirak edib.
Qeyd edək ki, son bir neçə həftə ərzində Şimali Koreyanın lideri Kim haqqında, səhhətinin yerində olmadığı və ya öldüyü barədə şayiələr yayılıb. İddia olunurdu ki, bir qrup çinli həkim Kimin vəziyyəti barədə məlumat vermək üçün bu ölkəyə gedib və Şimali Koreya liderinin aprelin 12-də ürək-damar əməliyyatı keçirməsi və sağalma prosesində olduğu barədə məlumatlar bildirilib.
Hong Kong Peyk Televiziyası Kimin öldüyünü açıqlasa da, lakin bu xəbər heç bir məmur tərəfindən təsdiqlənməyib.
Həmçinin də, Şimali Koreyanın qurucu lideri olan babası Kim İl-sungun 15 apreldə ad günü qeyd etməsi də daxil olmaqla, böyük hadisələrdən kənarda qalması səhhəti ilə bağlı fərziyyələrə səbəb olub.
Geri dön