Ana Sayfa > Bütün xəbərlər / M / Karusel / İqtisadiyyat / Gündəm > Evindən çıxıb birbaşa avtobusun içinə girən vətəndaş şikayətçidir - FOTO

Evindən çıxıb birbaşa avtobusun içinə girən vətəndaş şikayətçidir - FOTO


29-11-2019, 00:05. Yazar: Xeberaz
Evindən çıxıb birbaşa avtobusun içinə girən vətəndaş şikayətçidir
"Binəqədidə 92 saylı avtobusların son dayanacağı düz mənim evimin qapısından 10 metr irəlidə yerləşir. Lakin avtobus sürücüləri daim mənim həyət qapımın qabagında saxlayır."

Bunu Bakı şəhər sakini Uğur Əşari bildirib. O qeyd edir ki, dəfələrlə sürucülərə, həmçinin onların dispetçerlərinə irad bildirməyimə baxmayaraq, buna məhəl qoymurlar:

"Dayanacaq qapıdan 10 metr irəlidədir. Amma nədənsə düz mənim evimin qarşısında saxlayırlar. Avtobusdan düz həyətin içi görünür. Həmçinin evdə yaşlı və xəstə nənəm olduğuna görə hər an təcili yardım gələ bilir. Dəfələrlə olub ki, avtobus dayandığına və qapının qarşısını tutduğuna görə təcili yardım gəlib ünvanı tapa bilməyib. Həm də bu hissə piyadaların hərəkəti üçün nəzərdə tutulub. Heç mən özüm orda maşın saxlamıram ki, insanlara narahatlıq olmasın. Hansı sürücüyə də deyirsən, cavab verir ki, "2 dəqiqə dayanıb gedirəm". Ay qardaş, xətdə 20 ədəd avtobus varsa, hərəsi 2 dəqiqə dayansa, daha bu nə oldu?"

Evindən çıxıb birbaşa avtobusun içinə girən vətəndaş şikayətçidir



Geri dön