Ceyhun Bayramov Kuba səfiri ilə görüşüb

Ceyhun Bayramov Kuba səfiri ilə görüşüb
Tarix: 03-03-2022 | Saat: 01:02
Bölmə:Bütün xəbərlər / M / Karusel / Siyasət / Gündəm / Təbriklər | çapa göndər

Şirift ölçüsü:

Azərbaycanın xarici işlər naziri Ceyhun Bayramov Kuba Respublikasının Azərbaycan Respublikasına yeni təyin olunmuş fövqəladə və səlahiyyətli səfiri Karlos Valdes de la Konsepsionu qəbul edib.
Bu barədə "Xeberaz.Az" Azərbaycan Xarici İşlər Nazirliyinə istinadən xəbər verir.

Nazir səfiri təyinatı münasibətilə təbrik edərək gələcək fəaliyyətində ona uğurlar arzulayıb.
Azərbaycan və Kuba arasında dostluq münasibətlərinin inkişafına önəm verdiyimizi vurğulayan nazir Ceyhun Bayramov, həm ikitərəfli, həm də çoxtərəfli çərçivələrdə iki ölkə arasında mövcud olan əməkdaşlığı, habelə yüksək səviyyəli siyasi dialoqu məmnunluqla vurğulayıb. Yalnız rəsmi səviyyədə deyil, həm də xalqlar arasında isti münasibətlərin mövcud olduğunu söyləyən nazir, bir çox sahələrdə əlaqələrin inkişafı üçün perspektivlərin olduğunu ifadə edib.

Səfir Karlos Valdes de la Konsepsion səmimi qəbula görə təşəkkürünü bildirib və Azərbaycana səfir təyinatından yüksək məmnunluq ifadə edib. Ölkələrimizin beynəlxalq müstəvidə əməkdaşlığı səfir tərəfindən xüsusilə vurğulanıb.

Səfir, Kuba Prezidentinin 2019-cu ildə Qoşulmama Hərəkatının Bakı Zirvə görüşündə iştirak etmək üçün Azərbaycana səfərini xatırladaraq, Azərbaycan tərəfindən nümayiş etdirilən yüksək təşkilatçılığı və qonaqpərvərliyi vurğulayıb.

Görüşdə tərəflər ikitərəfli səviyyədə, o cümlədən tibb, təhsil, turizm və digər sahələrdə əməkdaşlığın inkişafı potensialı barədə fikir mübadiləsi aparıblar.

Ceyhun Bayramov iki ölkə arasında əlaqələrin inkişafı üçün bütün müvafiq dövlət qurumlarının səylərini əsirgəməyəcəyini, Xarici İşlər Nazirliyinin də öz növbəsində bunun üçün körpü rolunu oynayacağını səfirin diqqətinə çatdırıb

Xəbəri paylaş

4248 dəfə oxunub.

Digər xəbərlər

14-09-2019, 16:46 Sevgilisindən müğənniyə 600 minlik hədiyyə - FOTO

10-05-2018, 19:42 Azərbaycanda daha bir zorlanma - İnternat məktəbində 16 yaşlı qıza təcavüz edildi

18-09-2022, 09:54 Hər dərdə dərman - Sarımsaqlı süd. Resept

7-04-2015, 20:12 İlham Əliyevin Səudiyyə Ərəbistanına səfəri başa çatdı

2-02-2022, 09:03 Azərbaycanda Gənclər Günü qeyd olunur

24-09-2021, 18:33 Oktyabrın 1-dən həftəsonları avtobus və metro işləyəcək - RƏSMİ

3-03-2016, 15:37 Səbail gəncləri “Ağ ölümə” yox deyir!

7-11-2021, 17:22 Prezident Cıdır düzündə VIII Qlobal Bakı Forumunun iştirakçıları ilə görüşüb

6-10-2017, 19:58 "Ərinizin üzünə gülümsəsəm, qaçıb yanıma gələrlər" - Müğənni Afət - VİDEO