Ötən ilin dekabrın 10-da Bakıda imzalanan, Türkiyə və Azərbaycan vətəndaşlarının qarşılıqlı olaraq Türkiyə və Azərbaycana şəxsiyyət vəsiqələri ilə səyahətlərini təmin edən protokol bu gündən qüvvəyə minir.
"Xeberaz.Az" xəbər verir ki, sözügedən sənədin qüvvəyə minməsi ilə iki ölkə vətəndaşları yeni nəsil şəxsiyyət vəsiqəsindən istifadə etməklə, digər ölkəyə 90 gün qalma müddətli vizasız səyahət edə biləcək.
Şəxsiyyət vəsiqəsi ilə səyahət çərçivəsində Azərbaycan vətəndaşlarına Türkiyəyə girərkən, Türkiyə vətəndaşlarına isə Türkiyədən çıxarkən iki dildə “Giriş-çıxış forması” veriləcək. Bu forma üzərində giriş-çıxış ştampları vurulacaq.
Hər iki ölkə vətəndaşlarının sözügedən sənədi Türkiyədə və Azərbaycanda olduqları müddətdə özləri ilə daşımaları və giriş-çıxış əsnasında şəxsiyyət vəsiqəsi ilə birgə sərhəd qapılarındakı müvafiq səlahiyyətlilərə təqdim etməlidirlər.
Yeni nəsil şəxsiyyət vəsiqələri ilə səyahət edən Türkiyə vətəndaşları Azərbaycanda şəxsiyyət vəsiqələrini itirərlərsə, Türkiyəyə dönmələrini təmin etmək məqsədilə müvəqqəti pasport müraciəti edə bilmələri üçün özləri ilə şəkilli və Türkiyə Cümhuriyyəti şəxsiyyət vəsiqəsi nömrəli bir başqa sənəd də götürmələri tövsiyə edilib.
Yeni nəsil şəxsiyyət vəsiqələrinin səyahət sənədi olaraq istifadəsi yalnız Türkiyə və Azərbaycan arasındakı birbaşa səfərlərdə mümkündür.
Üçüncü ölkələrdən Türkiyə və ya Azərbaycana gəlişlərdə pasportdan istifadə məcburidir.
Yeni nəsil şəxsiyyət vəsiqəsi ilə oturum icazəsi üçün müraciət etmək mümkün deyil. Türkiyədə və ya Azərbaycanda 90 gündən artıq qalmaq istəyən vətəndaşlar qalmaq istədikləri müddətdən 60 gün daha çox keçərlilik müddəti olan pasportları ilə oturum icazəsi üçün müraciət etməlidirlər.
Azərbaycana gələn bütün əcnəbi vətəndaşlar ölkədə 15 gündən artıq qalmağı planlaşdırırlarsa, Azərbaycan Dövlət Miqrasiya Xidmətinə ünvan bildirməlidirlər. Azərbaycanda 15 gündən artıq qalmağı planlaşdıran Türkiyə vətəndaşlarının ölkədən çıxarkən cəzalandırılmamaları üçün ünvan bildirilməsini vaxtında yerinə yetirmək vacibdir.
Bu gündən Türkiyəyə şəxsiyyət vəsiqəsi ilə getmək mümkündür
Tarix: 01-04-2021 | Saat: 00:51
Bölmə:Bütün xəbərlər / M / Karusel / İqtisadiyyat / Gündəm / Dünya / Həftə-Reytinq | çapa göndər
Xəbəri paylaş
17 9808 dəfə oxunub.
Digər xəbərlər
Tarix: 01-04-2021 | Saat: 00:51
Bölmə:Bütün xəbərlər / M / Karusel / İqtisadiyyat / Gündəm / Dünya / Həftə-Reytinq | çapa göndər
Xəbəri paylaş
Digər xəbərlər
29-05-2017, 15:01
Elçin Uluxan kimə "dəymə - dəymə" dedi? - Video
23-10-2020, 22:34
Azərbaycanda yaşayan erməni qadın ona olan münasibəti türkiyəli jurnalistlərə danışdı - VİDEO
27-09-2017, 10:58
Azərbaycanda DƏHŞƏT: 2 ailə məhv oldu - 7 ÖLÜ
28-02-2016, 17:21
Döyüşçülərdən müsahibə alarkən vuruldu - VİDEO
29-12-2017, 10:03
Bu şəxslər peşə məktəblərində pulsuz oxuya biləcəklər
14-07-2016, 00:19
Putin: "Rusların başını xarab etməyin"
11-10-2016, 10:52
BAKIDA ŞOK OLAY: 670 bal toplayan tələbə özünü öldürdü - YENİLƏNİB
8-04-2017, 18:29
Raul “Real”a qayıtdı
8-04-2020, 11:20
Ailə üzvlərini yandıran kişiyə cinayət işi açıldı