Naxçıvan Muxtar Respublikası
9 - 14°
- 5 - 10°
Qazax, Gəncə, Goranboy, Tər-Tər, Ağdam, Füzuli, Cəbrayıl
9 - 14°
0 - 5°
Mərkəzi-Aran
9 - 4
0 - 5
Masallı, Yardımlı, Lerik, Lənkəran, Astara
7-11°
0-3°
Bakıda və Abşeron yarımadasında
8-10°
2-4°
Yay bitir: qadınlar diqqətli olsunlar – Kosmetoloq
Tarix: 10-09-2020 | Saat: 07:36
Bölmə:Bütün xəbərlər / Karusel / Gündəm / Qadınlar / Səhiyyə / M2 | çapa göndər

İsti yay günləri başa çatandan sonra xanımları ən çox düşündürən məsələlərdən biri də dəriyə qulluqdur. Qadınlar dərinin təravətli və sağlam qalması üçün müxtəlif yollara baş vursalar da, mütəxəssislər peşəkar tövsiyəsinin önəmli olduğunu bildirirlər.
Məsələ ilə bağlı  danışan kosmetoloq Leyla Məmmədova bildirib ki, adətən fəsil dəyişiklikləri zamanı dəridə vitaminsizlik, qidasızlıq müşahidə olunur:
“Bununla əlaqədar olaraq dəridə qırışlar yarana bilər. Yay mövsümündən sonra xanımların üz dərisində quruluq, cansızlıq və solğunluq hiss olunur. Yaydan çıxmış dərini qidalandırmaq və vitaminlə təmin etmək üçün qidalandırıcı plazmaliftinq və biorevitalizasiya prosedurları, pilinqlər məsləhət görülür”.
Kosmetoloqun sözlərinə görə, xanımların əsas şikayəti dəri quruluğu ilə bağlıdır:
“Dəri quruduğu zaman qırışlar çoxalır, üz düşür və boşluqlar yaranır. Quru dəri üçün ev şəraitində maskalar müxtəlifdir. Hər bir xanımın individual dərisi var. Bu maska birinə yaxşı təsir etdiyi halda digərinə allergiya verə bilər. Ona görə də bu məsələyə həssas yanaşmaq lazımdır”.
Leyla Məmmədova bildirib ki, son zamanlar sosial şəbəkələrdə kosmetoloji proseslərə dair çoxsaylı reklamlar yerləşdirilir:
“İlk növbədə kosmetoloqun tibbi təhsili olmalıdır. Adi botoks proseduru zamanı üzə iynə yeridilir və həkim üzdəki əzələ və sinirlərin dəqiq yerini bilməlidir. Bunu isə ancaq tibbi təhsil alan həkimlər dərindən bilir. Bu prosedur düzgün yerinə yetirilməzsə, dəridə, ümumiyyətlə, bədəndə böyük fəsadlar əmələ gələ bilər”.




2128 dəfə oxunub.

Digər xəbərlər
bütün xəbərlər
____ Instagram ___